Thursday, May 30, 2024
Homesliderارکان اسمبلی کو خریدنے کی کوشش، منوگوڑ انتخابات میں بی جے پی...

ارکان اسمبلی کو خریدنے کی کوشش، منوگوڑ انتخابات میں بی جے پی کو دھکا

- Advertisement -
- Advertisement -

حیدرآباد۔ ایم ایل ایز کی غیر قانونی خرید وفروخت  کے معاملے نے منوگوڑ اسمبلی ضمنی انتخاب کے لیے بی جے پی کی مہم کو متاثر کیا ہے، جب کہ تلنگانہ راشٹرا سمیتی (ٹی آر ایس) بھگوا پارٹی کی جانب سے خریدے جانے کی مبینہ کوشش کو بے نقاب کرنے کے لیے جارحانہ انداز میں کام کررہی ہے۔اس معاملے کے واضح نتیجے میں بی جے پی نے 31 اکتوبر کو ہونے والی عوامی اجلاس  منسوخ کردیا ہے جس سے اس کے قومی صدر جے پی نڈا خطاب کرنے والے تھے۔

یہ فیصلہ بی جے پی کے تین ایجنٹوں کی طرف سے ٹی آر ایس کے چار ایم ایل ایز کو خریدنے کی مبینہ کوشش سے پیدا ہونے والے سیاسی طوفان کے درمیان آیا ہے۔ملزمین اور ٹی آر ایس قائدین کے درمیان ٹیلی فونک بات چیت کے سنسنی خیز آڈیو ٹیپس کی گرفتاریوں اور افشاء ہونے سے بی جے پی کو بڑی شرمندگی ہوئی ہے اور 3 نومبر کو ہونے والے ضمنی انتخابات سے قبل زعفرانی پارٹی کو دفاعی انداز میں کھڑا کردیا ہے۔

حیدرآباد کے قریب ایک فارم ہاؤس سے 26 اکتوبر کو بی جے پی کے تین مبینہ ایجنٹوں کی گرفتاری کے بعد، ٹی آر ایس اپنی مہم میں جارحانہ ہوگئی۔ حکمراں پارٹی کے قائدین ٹی آر ایس حکومت کو گرانے کی سازش کے لئے زعفرانی پارٹی کو نشانہ بنا رہے ہیں۔اگرچہ بھگوا پارٹی نے اے ایم ایل اے کی خرید وفروخت کے معاملے سے کسی بھی تعلق سے انکارکیا ہے، لیکن یہ ظاہر ہے کہ ضمنی انتخاب کی مہم کے درمیان اس واقعہ نے پارٹی کو ہلا کر رکھ دیا ہے۔

نڈا کی طرف سے خطاب کرنے کے لیے مجوزہ جلسہ عام کو بی جے پی کی مہم کے اعلیٰ مقام کے طور پر منصوبہ بنایا گیا تھا اور 30 ​​اکتوبر کو ہونے والی ریلی کا منصوبہ بھی کیا گیا تھا جس سے چیف منسٹر اور ٹی آر ایس کے صدر کے چندر شیکھر راؤ خطاب کریں گے۔تاہم بی جے پی نے اس بات سے انکار کیا کہ جلسہ عام کی منسوخی کا اس مقدمہ سے کوئی تعلق نہیں  ہے۔ اس کے قائدین نے کہا کہ پارٹی نے بڑے جلسہ عام کے بجائے منڈل سطح کے جلسے منعقد کرنے کا فیصلہ کیا ہے۔بی جے پی کی تلنگانہ یونٹ نے آسام کے چیف منسٹر ہمانتا بسوا سرما اور مرکزی وزیر اسمرتی ایرانی کو منڈل سطح کے جلسوں کے لیے مدعو کیا ہے۔ پارٹی گزشتہ دو دنوں کے دوران تیجسوی سوریا اور دیگر لیڈروں کو انتخابی مہم کے لیے بھی شامل کرنے کی کوشش کررہی ہے۔