نئی دہلی ۔دہلی پولیس نے اپنے اسکول کے استاد پر لوہے کی سلاخ سے حملہ کرنے کے الزام میں 11 ویں جماعت کے ایک طالب علم کو گرفتار کیا ہے۔ یہ واقعہ بیرونی دہلی کے رانھولا کے باپروالا میں بوائز سینئر سیکنڈری اسکول میں پیش آیا۔خاطی طالب علم کو کلاس میں خلل ڈالتے دیکھنے کے بعد استاد نے لڑکے سے کہا تھا کہ ٹھیک سے بیٹھو اور پریشانی پیدا کرنے سے گریز کرو۔ اس سے لڑکے کو غصہ آیا ، جس نے غصے کی حالت میں کلاس کے اختتام کے بعد اپنے استاد پر لوہے کی سلاخ سے حملہ کیا۔ حملے کے نتیجے میں ٹیچر کو شدید چوٹیں آئیں اور اس وقت وہ رتھے ہسپتال میں زیر علاج ہیں۔
دواخانے میں زیر علاج ٹیچر کا بیان تاہم پولیس حکام ریکارڈ کرنے میں کامیاب ہو گئے ہیں۔ رونہولا پولیس اسٹیشن کے عہدیداروں نے یہ بھی انکشاف کیا کہ ملزم کو اسکول انتظامیہ کی شکایت پر حراست میں لیا گیا۔ اس کے خلاف تعزیرات ہند کی دفعہ 308 (مجرمانہ قتل کی کوشش) کے تحت مقدمہ درج کیا گیا تھا۔ بعد ازاں اسے عدالت میں پیش کیا گیا جس پر اسے 14 دن کی عدالتی تحویل میں بھیج دیا گیا۔
اسکول حکام نے بتایا کہ 21 سال کی عمر کا لڑکا 11 ویں کلاس میں دو بار ناکام ہوا۔یاد رہے کہ 2018 کے اکتوبر میں اسی طرح کا ایک واقعہ دہلی کے ساکت علاقے میں سامنے آیا تھا جہاں 8 ویں جماعت کے ایک طالب علم نے ایک سرکاری اسکول میں اپنے استاد پر لوہے کی سلاخ سے حملہ کیا تھا۔ اس وقت کی رپورٹوں سے پتہ چلتا ہے کہ ٹیچر نے طالب علم کے بیگ کے اندر لوہے کی سلاخ دیکھی تھی اور اپنے والدین کو بتانے کی دھمکی دی ہے۔ 12 سالہ لڑکے نے اسکول سے بھاگنے سے پہلے اپنے استاد پر اسی لوہے کی سلاخ سے حملہ کیا تھا۔
