Thursday, February 13, 2025
Homeہندبی جے پی نے نوجوانوں کو بے روزگاری کا تحفہ دیا

بی جے پی نے نوجوانوں کو بے روزگاری کا تحفہ دیا

- Advertisement -
- Advertisement -

کولکتہ ۔ مودی حکومت جہاں نوجوانوں کو لبھانے کی کوشش کررہی ہے وہیں اپوزیشن بے روزگاری کو موضوع بناتے ہوئے حکومت پر شدید تنقید کررہی ہے اور آئے دن کوئی نہ کوئی اپوزیشن لیڈر ملازمتوں کے ضمن میں انتخابات کی مہم کو گرما رہا ہے۔ بی جے پی کی زیر قیادت حکومت کی سخت تنقید کرتے ہوئے شمالی دیناج کے پورکے رائے گنج میں ممتا بنرجی نے کہا کہ انتخابات کے بعد مرکزمیں حکومت سازی میں ترنمول کانگریس اہم کردار ادا کرے گی۔بنگال کے عوام کی حمایت اور اعتماد ترنمول کانگریس کو حاصل ہے کیونکہ ہم زمینی سطح پر کام کرتے ہیں اور عام لوگوں کیلئے جدو جہد کرنے پر یقین رکھتے ہیں۔

ممتا بنرجی نے کہا کہ بنگال میں صرف ترنمول کانگریس ہی بی جے ہی کو شکست دے سکتی ہے ،اپوزیشن جماعتوں کو بدنام کرنے کیلئے بی جے پی نے تمام مرکزی ایجنسیوں کا غلط استعمال کررہی ہے اور یہ بہت ہی خطرناک ہے ۔ بی جے پی چاہتی ہے کہ تمام سیاسی جماعتیں اس کی بالادستی کو تسلیم کرلے لیکن یہ جمہوریت اور یہاں کے عوام جمہوریت پر یقین رکھتے ہیں وہ کبھی بھی اس طرح کی سوچ اور فکر پر یقین نہیں رکھتی ہے ۔

ممتا بنرجی نے کہا کہ اس وقت ملک میں 20 ملین نوجوان بے روزگار ہوگئے ہیں،مرکزی حکومت کی غلط پالیسیوں کی وجہ سے روزگار کے مواقع کم ہورہے ہیں۔ بنگال کی 42 نشتوں پر ہم صد فیصدکامیابی حاصل کریں گے اور مودی بابو کے ہٹلر شاہی رویہ کو چلنے نہیں دیں گے ۔

ممتا بنرجی نے کہا کہ بنگال میں صرف ترنمول کانگریس ہی بی جے پی کامقابلہ کررہی ہے ۔خواتین کے علاج کیلئے ہم پانچ ہزارکروڑ روپے مختص کئے ہیں۔ مرکز نے اس فنڈ میںکوئی مدد نہیں کی ہے ۔ مودی حکومت نے عوام کیلئے کچھ بھی نہیں کیا ہے ۔

 بی جے پی اس مرتبہ ای وی ایم مشین کی مدد سے کامیاب نہیں ہوسکتی ہے ۔ ہم ہر ایک ووٹنگ مشین کی نگرانی کریں گے ۔ وی وی پی اے ٹی کے ذریعہ ہر ایک ووٹ کی تصدیق کریں گے ۔

ممتا بنرجی نے کہاکہ ہم مرکزی حکومت کی طرح امیروں کے لئے نہیں بلکہ غریبوں کیلئے کام کیا ہے ۔ ممتا بنرجی نے کہا کہ پلوامہ میں بڑی تعداد میں نوجوانوں کی موت ہوئی ہےلیکن ہمارے وزیر اعظم جو اپنے آپ کو چوکیدار کہتے ہیں وہ کیا کررہے تھے ۔

 بی جے پی این آر سی اور شہری ترمیمی بل کی بات کررہی ہے لیکن یہ کس کے لئے ہے ؟پہلے اپنے ملک کے شہریوں کو غیر ملکی قرار دیا جائے اس کے بعد انہیں شہریت دینے کا عمل شروع ہوگا۔ پانچ سال تک اپنے ملک میں کیمپوں میں رہنے پر مجبورکیا جائے گا۔ این آر سی اور شہری ترمیمی بل کے نام پر بنگال کے عوام کو بیوقوف نہیں بنایا جاسکتا ہے ۔