نئی دہلی۔ ملک کی آزادی کے وقت تقسیم کے سانحہ کا ذکر کرتے ہوئے وزیر اعظم نریندر مودی نے پیر کو لال قلعہ کی فصیل سے کہا کہ ترنگے پر فخر اور مادر وطن سے محبت کی وجہ سے لوگوں کی ایک بڑی تعداد نے بہت کچھ کھویا۔ زندگی شروع کرنے کا ان کا عزم سلام کے لائق ہے۔76ویں یوم آزادی کے موقع پر لال قلعہ کی فصیل سے قوم سے خطاب کرتے ہوئے وزیر اعظم نے کہا کہ کل 14 اگست کو ہم نے بھاری دل کے ساتھ بھیجن وبھیشیکا میموریل ڈے منایا۔
ملک کی آزادی کے وقت رونما ہونے والے تقسیم کے سانحہ کا تذکرہ کرتے ہوئے انہوں نے کہا کہ تب لوگوں نے ترنگے پر فخر اور مادر وطن کی مٹی سے محبت کی وجہ سے بہت کچھ سہا لیکن صبر کا دامن نہیں چھوڑا۔ نئی زندگی شروع کرنے کے اس کے عزم کو سلام ہے۔ آج کا دن تاریخی ہے۔واضح رہے کہ 1947 میں برطانوی نوآبادیاتی دور میں ہندوستان کی تقسیم کے بعد پاکستان کو ایک الگ ملک کے طور پر بنایا گیا تھا۔اس دوران لاکھوں لوگ بے گھر
ہوئے اور اس کے بعد ہونے والے فرقہ وارانہ تشدد میں بڑی تعداد میں لوگ اپنی جانوں سے ہاتھ دھو بیٹھے۔
وزیر اعظم مودی نے گزشتہ سال اعلان کیا تھا کہ 14 اگست کو لوگوں کی جدوجہد اور قربانی کی یاد میں بھجن وبھیشیکا میموریل ڈے کے طور پر منایا جائے گا۔اپنے خطاب میں وزیر اعظم مودی نے کہا کہ آج کا دن بہت سے عظیم انسانوں کو خراج عقیدت پیش کرنے کا موقع ہے جنہوں نے آزادی کے لیے جدوجہد کی اور آزادی کے بعد ملک کی تعمیر کی۔انہوں نے کہا یہ ایک نیکی کے مرحلے، ایک نئے راستے، ایک نئے عزم اور ایک نئی طاقت کے ساتھ آگے بڑھنے کا ایک اچھا موقع ہے۔
