ریاض ۔ کرونا وائرس اس وقت ساری دنیا کےلئے ایک سنگین مسئلہ بن چکا ہے اور ہر ملک اپنی سطع پر اس مہلک وائرس سے خودکو نہ صرف محفوظ رکھنے میں سرگردا ں ہے بلکہ اس وائرس کو ختم کرنے کے لئے بھی کوشا ں اور انہیں کوششوں میں سعودی عرب کے ایک طالب علم نے حج کو کرونا وائرس سے محفوظ بنانے کےلئے ایک منصوبہ کو پیش کیا ہے جس میں وائرس کےخلاف مقناطیسی شاعوں کو ہتھیار اور بچاؤ کے سامان کے طورپر استعمال کیا جائے گا۔
ریاض میں سعودی طالب علم نے مسجد الحرام اور عازمین کو کورونا سمیت مختلف قسم کے متعدی امراض سے بچانے کے لیے ایک پروجیکٹ پیش کیا ہے۔ یہ اپنی نوعیت کا پہلا اور منفرد پروجیکٹ ہے۔
تفصیلات کے مطابق سعودی طالب علم عبدالرحمن آل الشیخ نے کہا ہے اپنے اس پروجیکٹ کو الحج الآمن کا نام دیا ہے۔ جس کے معنی محفوظ حج ہے۔ پروجیکٹ کی بدولت حرم مکی اور اس کے زائرین کو ہر طرح کے وائرس سے بچانے سے تحفظ مل جائے گا۔ وائرس ایک زائر سے دوسرے زائر میں منتقل نہیں ہوگا۔
عبدالرحمن آل الشیخ کے مطابق میرے پروجیکٹ کا تصور برقی مقناطیسی شعاعوں کے استعمال پر منحصر ہے۔ یہ شعاعیں حرم مکی کے فرش اور چھتوں پروائرس کے شکار میں بہت موثر ہیں۔یہ کام مخصوص درجہ حرارت کے ذریعے انجام دیا جائے گا۔ جس سے انسان کو نقصان نہیں پہنچتا ہے۔سعودی طالب علم نے مزید کہا ہےکہ برقی مقناطیسی شعاعیں حرم شریف کے اطراف مخصوص مقدار اور دائرے میں رکھی جائیں گی ۔یہ شعاعیں تیزی سے حرم مکی کے صحن میں پھیل جائیں گی اور ہر طرح کے معمولی سے معمولی وائرس کو ختم کر ڈالیں گی۔
