Thursday, April 24, 2025
Homeٹرینڈنگ دہلی تشدد میں مرنے والوں کی تعداد 9 ہوگئی

 دہلی تشدد میں مرنے والوں کی تعداد 9 ہوگئی

- Advertisement -
- Advertisement -

نئی دہلی۔ شمال مشرقی دہلی میں شہریت ترمیمی قانون (سی اے اے ) کے خلاف جاری تشدد میں آج صبح بھی ضلع کے کئی علاقوں میں پتھراؤکے واقعات سامنے آئے جس سے حالات کشیدہ ہیں۔ اس میں مرنے والوں کی تعداد9 ہو گئی ہے ۔ تشدد میں نیم فوجی دستوں اور پولیس کے کئی عہدیدار سمیت 135 افراد زخمی ہو گئے ہیں۔

پولیس نے حالات کو قابو میں کرنے کے لئے پورے شمال مشرقی ضلع میں حکم امتناعی نافذ کردیا گیا ہے ۔ پولیس کی جانب سے جاری حکم میں ہتھیار یا کسی بھی آگ لگانے والی اشیا پر پابندی ہے۔ سوشل میڈیا پر بھی فرقہ وارانہ طورپرحساس، اشتعال انگیز مواد لکھے جانے پر بھی پابندی ہے ۔ اگر کوئی بھی شخص مذکورہ حکم کی خلاف ورزی کرتا ہے تو اس کے خلاف سخت کارروائی کی جائے گی۔

پولیس کے ایک عہدیدار نے کہا کہ موجپور ، گوکل پور¸ اور جعفرآباد سمیت دیگر علاقوں میں ہوئے تشدد میں مرنے والوں کی تعداد9 تک پہنچ گئی ہے ۔ مرنے والوں میں ایک ہیڈ کانسٹبل بھی شامل ہے ۔واضح رہے کہ اتوار کو معمولی پتھراؤ کے بعد پیرکو بھر پورے ضلع میں پرتشدد واقعات ہوئے ۔

 ایک شرپسند کھلے عام سڑک پر فائرنگ کررہا تھا۔ دکانوں میں آگ لگا دی گئی۔ ایک پٹرول پمپ کو بھی نذرآتش کر دیا گیا۔ گوکل پوری رات میں ٹائر مارکیٹ میں آگ لگا دی گئی جسے بجھانے میں فائربریگیڈ کے عملے کو سخت محنت کرنی پڑی ۔ پورے علاقے میں شام تک اضافی فورسزکو تعینات کیا گیا لیکن رات بھر مختلف علاقوں اورگلیوں میں پتھراؤکے واقعات پیش آئے ۔ دیر رات فسادیوں نے کچھ دکانوں میں لوٹ مار بھی کی۔ جعفرآباد کے تشدد زدہ علاقوں میں تین صحافی پھنس گئے تھے جسے بارہ بجے رات کے بعد پولیس نے بحفاظت باہر نکالا۔