سعودی عرب ، عدلیہ کے شعبے میں 53 خواتین افسران تعینات

ریاض: سعودی عرب کے فرمانروا شاہ سلمان بن عبدالعزیز آل سعود کی ہدایت پر عدلیہ کے شعبے میں 53 خواتین تحقیقی عہدیداروں کی تعیناتی کا فیصلہ کیا گیا ہے۔تفصیلات کے مطابق سعودی عرب کے پبلک پراسیکیوٹر کی طرف سے جاری ہونے والے ایک بیان میں کہا گیا ہے کہ خواتین عہدیدار کو عدلیہ کے متعدد مقدمات کی تحقیقات پرمامور کیاجائے گا۔ بیان میں کہا گیا ہےکہ خواتین کی عدلیہ کے شعبے میں تعیناتی کا مقصد مملکت کے عظیم الشان اصلاحاتی پروگرام ویژن 2030 کے اہداف کا حصہ اور خواتین کو زیادہ با اختیار بنانے کی کوششوں کا تسلسل ہے۔سعودی عرب کے پراسیکیوٹر جنرل کے تجرمان ڈاکٹر ماجد الدسیمانی نے کہا کی ویژن 2030 کے اہداف کے تحت پراسیکیوشن کے شعبے میں پچاس سے زاید خواتین کوتعینات کیا گیا ہے۔ترجمان نے کہا ہے کہ سعودی عرب کے پراسیکیوشن شعبے کے زیرانتظام 156 مرد وخواتین ملازمین کی پیشہ وارانہ تربیت کا سلسلہ جاری ہے۔ جلد ہی انہیں ان کی اہم ذمہ داریوں پرتعینات کیا جائے گا۔