ممبئی ۔ مہاراشٹرا اسمبلی انتخابات میں بی جے پی ۔ شیوسینا اتحاد دوبارہ حکومت بنانے کے موقف میں نظر آ رہا ہے لیکن شیو سینا اپنے ہی گھر میں انتخاب ہار گئی ہے۔ یوسینا کے امیدار کو کانگریس کے ذیشان بابا صدیقی نے ہرایا ہے۔
مہاراشٹرا اسمبلی انتخابات 2019 میں شیوسینا اگرچہ بادشا گر بن کر ضرور ابھری ہے لیکن وہ باندرا ایسٹ کی نشت کا دفاع نہیں کر سکی، جو کہ ایک وی آئی پی نشت ہے۔ دلچسپ بات یہ ہے کہ باندرا ایسٹ علاقہ میں ٹھاکرے خاندان کا گھر ماتشوشری موجود ہے۔ یہ نشست پچھلے انتخابات میں شیو سینا کے قبضہ میں چلی گئی تھی لیکن پھر وہ اس اسمبلی انتخابات میں اس نشست سے محروم ہوگئی۔ اس نشست پر جملہ 13 امیدوار اپنی قسمت آزما رہے تھے۔
باندرا ایسٹ سے شیوسینا کے امیدوار وشوناتھ مہادیشور کو اسمبلی انتخابات میں کانگریس کے امیدوار ذیشان بابا صدیقی سے شکست کا سامنا کرنا پڑا ہے۔ غورطلب ہے کہ ذیشان صدیقی کے والد بابا صدیقی اس نشست پر لگاتار سال 1999، 2004 اور 2009 میں ہوئے اسمبلی انتخابات میں کامیاب ہوئے تھے لیکن 2014 میں یہ نشست ان کے ہاتھ سے چلی گئی تھی اور اس پر شیوسینا کے پرکاش بالا ساونت کا قبضہ ہو گیا تھا۔ اب 5 سال کے بعد یہ نشست ایک مرتبہ پھر بابا صدیقی خاندان نے حاصل کر لی ہے۔
