واشنگٹن۔ فیس بک اور انسٹاگرام نے سخت گیر نظریے کے متعلق مواد کے خلاف سب سے سخت کارروائی کرتے ہوئے اپنے پلیٹ فارم سے نیشن آف اسلام کے لیڈر لوئس فرخان، دائیں بازو نظریے والے الیکس جونس اور انفو وارس کی کمپنی کے سوشل میڈیا آؤٹ لیٹس پر پابندی عائد کر دی ہے ۔
رپورٹس میں کہا گیا ہے کہ فیس بک اور انسٹاگرام سے وہ نیشن آف اسلام کے لیڈر لوئس فرخان ، دائیں بازو نظریہ رکھنے والے الیکس جونس اور ان کے میڈیا آؤٹ لیٹس انفو وارس کے پروفائل کو ہٹا دے گا۔ساتھ ہی پال نیلن ، ملویاونوفولوس، پال جوزف واٹسن اور لارا لومرور کئی دوسرے دائیں بازو نظر یہ رکھنے والے مفکر بھی اس میں شامل ہے ۔
فیس بک نے سی این این اور دیگر میڈیا کے حوالے سے جاری بیان میں کہا ہم نے ہمیشہ نظریات کی پروا کئے بغیر نفرت پھیلانے والے اشخاص اور تنظیموں پر پابندی عائدکی ہے ۔ کمپنی نے اگست 2018 میں جونس اورانفوارکو فیس بک سے پابندی عائد کر دی تھی، لیکن ان کے اور ان کی کمپنی کو اسٹاگرام پر اپنی موجودگی برقرار رکھنے کی اجازت تھی۔قابل ذکر ہے کہ مارچ کے آخر میں فیس بک نے سفید قوم پرستی اورسفید علیحدگی پسندی کی تعریف،حمایت اور نمائندگی پر پابندی عائد کا اعلان کیا۔
