شارجہ: آئی پی ایل 13 کا آخری لیگ میچ منگل کو ممبئی انڈینز اور سن رائزرس حیدرآباد کے مابین کھیلا جانا ہے اور یہ میچ پلے آف کی باقی دو ٹیموں کی قسمت کا فیصلہ کرے گا۔ممبئی کی ٹیم پہلے ہی پلے آف میں پہنچ چکی ہے اور وہ 18 نشانات کے ساتھ جدول میں پہلے مقام پر موجود ہے ۔ ممبئی کی ٹیم چاہے گی کہ وہ اپنی کامیابی کی مہم اس میچ میں جاری رکھے اور وہ جیت کے ساتھ پہلے کوالیفائر میں کھیلے ۔
حیدرآباد کے لئے آر پارکی جنگ ہے اور ان کے لئے صرف اسی صورت میں پلے آف میں جانا ممکن ہوگا جب وہ کامیابی حاصل کرتے ہیں لیکن آخر میں نیٹ رن ریٹ فیصلہ کن کردار ادا کرے گا۔ حیدرآباد کو اس میچ میں جیت کے ساتھ ساتھ اپنے رن ریٹ پر بھی نظر رکھنی ہوگی۔تین ٹیموں چینائی سوپر کنگز ، کنگز الیون پنجاب اور راجستھان رائلزکا سفر آئی پی ایل میں ختم ہوگیا ہے ۔ پنجاب چھٹے ، چینائی ساتویں اور راجستھان آٹھویں نمبر پر ہے ۔ تینوں ٹیموں نے فی کس 12 نشانات حاصل کئے لیکن ان کے مقامات رن ریٹ کی بنیاد پر طے کئے گئیں۔
دہلی کیپٹلز اور رائل چیلنجرز بنگلور کے مابین میچ میں ہارنے والی ٹیم منگل کو حیدرآباد اور ممبئی کے مابین ہونے والے میچ کے نتیجے کا انتظار کرے گی۔ کولکتہ نائٹ رائیڈرز بھی منگل کے میچ پر نظر رکھے گی ۔اگر منگل کو حیدرآباد کی ٹیم کامیاب ہوجاتی ہے تو پھر تینوں ٹیموں کے14 نشانات ہوجائیں گے اور دو ٹیمیں نیٹ رن ریٹ کی بنیاد پر پلے آف میں پہنچ جائیں گی۔ اگر حیدرآباد کی ٹیم مقابلہ گنواتی ہے تو بنگلور۔دہلی میچ اورکولکتہ نائٹ رائڈرس کی شکست خوردہ ٹیم پلے آف میں پہنچ جائے گی۔ اس کا مطلب یہ ہے کہ پلے آف کی سنسنی لیگ میچ کے آخری دن تک برقرار رہے گی۔
حیدرآباد نے اپنے آخری میچ میں رائل چیلنجرز بنگلور کو پانچ وکٹوں سے شکست دے کر پلے آف کی امیدوں کو برقرار رکھا۔ بنگلورکو سات وکٹوں پر120 رنز کے معمولی اسکور پر روکنے کے بعد حیدرآباد نے14.1 اوور میں پانچ وکٹ پر121 رن بناکر آسان فتح حاصل کرلی۔ اس کامیابی نے حیدرآباد کے حوصلے بلند کئے ہیں کیونکہ اس کا رن ریٹ بڑھ گیا ہے جبکہ پلے آف میں حصہ لینے والی دیگر ٹیموں کا رن ریٹ منفی میں ہے ۔
حیدرآباد کے کپتان ڈیوڈ وارنر نے اعتماد کا اظہار کیا کہ ان کی ٹیم ممبئی انڈینز کے خلاف اگلا میچ بھی جیت جائے گی لیکن حیدرآباد کو ایسی ٹیم کے خلاف بہترین کارکردگی کا مظاہرہ کرنا ہوگا جس کی بیٹنگ اوربولنگ دونوں میں زبردست طاقت ہے۔ میچ دلچسپ ہوگا اور حتمی نتیجے تک تینوں ٹیموں کی سانسیں رکی رہیں گی ۔
