دبئی ۔ ممبئی انڈینز کے خلاف سنسنی خیز مقابلے کے سوپر اوور میں کامیابی کے بعد کنگز الیون پنجاب کے کپتان لوکیش راہول نے کہا ہے کہ ٹیم کو اس وقت اس جیت سے دو نشانات کی اشد ضرورت تھی ۔
ممبئی نے اوپنر کوئنٹن ڈی کوک کے53 اورکیرون پولارڈ کے ناقابل شکست34 رنز کی مدد سے20 اوورز میں چھ وکٹوں پر176 رنزکا مشکل اسکورکیا تھا جبکہ کپتان لوکیش راہول کے77 رنز پر پنجاب نے چھ وکٹوں پر 176 رنز بنالئے ۔ اسکور برابر ہونے پر میچ فیصلے کے لئے ایک سوپر اوور میں گیا۔ پہلے سوپر اوور میں پنجاب نے پانچ رنز بنائے جبکہ ممبئی بھی پانچ رنز ہی بنا سکی۔ دوسرے سوپر اوور میں ممبئی نے11 رنز بنائے جبکہ پنجاب نے15 رنز بناکر میچ جیت لیا ۔ اس جیت کے ساتھ ہی پنجاب نے ٹورنمنٹ میں اپنی امیدوں کو برقرار رکھا۔
راہول نے کہا کہ سوپر اوور پہلی مرتبہ نہیں ہوا ہے اور اب میں اس کا عادی ہوگیا ہوں لیکن کامیابی سے دو نشانات حاصل کرنا ہمارے لئے بہت ضروری تھا۔ یہ ہمیشہ نہیں ہوتا ہے لہذا ایسی صورتحال میں آپ کو توازن رکھنا پڑتا ہے ۔ ہم نے جس میچ میں شکست کھائی اس میں ہم نے بھی عمدہ کارکردگی کا مظاہرہ کیا۔ ہم ہر میچ میں سختی سے واپس آئے ہیں اور اس میچ میں فتح سے ہمیں تحریک اور مدد ملے گی۔انہوں نے کہا کہ 20 اوورز میں وکٹ کیپنگ کے بعد پہلے چھ اوورز میں بیٹنگ کرنا بہت مشکل ہے ۔ ہم جانتے تھے کہ ممبئی کے اچھے اسپنر ہیں اور پچ سست ہوگی لہذا مینک اور میں نے ٹیم کو اچھی شروعات دینے کی کوشش کی۔ جب کرس گیل اسپنرز کے خلاف کھیلتے ہیں تو مجھے یقین رہتا ہے کہ وہ اچھا کھیلیں گے ۔
کپتان نے کہا کہ گیل کی موجودگی سے مدد ملی ہے ۔ وہ ایک تجربہ کار کھلاڑی ہیں اور ٹیم کو آگے لے جانے کا طریقہ جانتے ہیں ۔ کوئی ٹیم سپر اوور کے لئے تیار نہیں ہوتی ۔ ایسی صورتحال میں آپ کو اپنے بولنگ شعبہ پر انحصار کرنا ہوگا۔ محمد سمیع چھ بال یارکر کر سکتے ہیں اور وہ ٹیم میں بہترین بولر ہیں۔ راہول نے کہا کہ یہ ضروری ہے کہ سینئر کھلاڑی جیت میں حصہ ادا کریں۔ جب آپ مستقل طور پر ہارتے ہیں تو آپ کو تمام فتوحات سے خوشی ملتی ہے ۔ ڈریسنگ روم نے اس عمل پر توجہ دینے اور پرسکون رہنے کے بارے میں بات کی۔ یہ ماحول ہم آگے بھی برقرار رکھنا اور میچ جیتنا چاہتے ہیں ۔
