نئی دہلی: کانگریس کے سابق صدرراہول گاندھی نے وزیر اعظم کیلئے مہنگا جہاز خریدے جانے کے حوالہ سے نریندر مودی پر شدید تنقید کی اورایک ویڈیو شائع کر تے ہوئے فوجیوں کیلئے نان بلیٹ پروف گاڑیاں اور اپنے ( مودی) لئے مہنگا جہاز خریدنے کا الزام لگایا۔لداخ سرحد پر چین اور ہندوستان کے مابین تنازعہ پر راہول گاندھی گذشتہ کئی مہینوں سے مودی پر مستقل تنقید کررہے ہیں۔کیرالہ کے وائناڈ کے رکن پارلیمنٹ راہول گاندھی نے اپنے ٹوئٹر پر ایک ویڈیو شائع کیا جس میں مبینہ طور پر بتایا گیا ہے کہ ٹرک کے اندر بیٹھے کچھ فوجی آپس میں بات کر رہے ہیں۔
ان میں سے ایک کہا رہا ہے کہ انہیں نان بلٹ پروف گاڑی میں بھیج کر ہماری زندگیوں کے ساتھ کھلواڑکیا جارہا ہے ۔راہول گاندھی نے ویڈیو کے ساتھ ٹوئٹ کیا ہمارے فوجیوں کو نان بلٹ پروف ٹرکوں میں شہید ہونے کیلئے بھیجا جارہاہے اور ہمارے وزیر اعظم کے لئے 8400 کروڑ روپے کے ہوائی جہاز! کیا یہ انصاف ہے ؟راہول گاندھی نے جمعرات کو بھی جہاز خریدنے کے لئے وزیر اعظم پر تنقید کی تھی اور اورکہاتھا کہ وزیر اعظم کو صرف اپنی شبیہ کی فکر ہے ۔ انہوں نے کہا تھا کہ وزیر اعظم نے اپنے لئے8400 کروڑکا طیارہ خریدا۔ اتنے میں سیاچن ۔ لداخ بارڈر پر تعینات ہمارے فوجی جوانوں کے لئے کتنا کچھ خریدا جاسکتا تھا ۔
راہول گاندھی نے مودی کی جانب سے خرچ کردہ رقم کے برعکس فوجیو ںکےلئے کچھ سازوسامان کے اعداد شمار پیش کئے ہیں اور کہا ہے کہ اس رقم سے فوجیو ںکےلئے گرم لباس3 لاکھ ، جیکٹس دستانے: 60 لاکھ،جوتے67,20,000 آکسیجن سلنڈر 16,80,000 خریدے جاسکتے تھے لیکن مودی کو صرف اپنی فکر ہے حالانکہ فوج سرحد پر ملک کی حفاظت میں جہاں اپنی جان کی بھی پرواہ نہیں کرتے انہیں امن کے حالات میں بھی سخت موسم کے چیالنجس کا سامنا رہتا ہے۔
