Thursday, May 30, 2024
Homesliderویڈ بھی کورونا سے متاثر ، جمعہ کو انگلینڈ کے خلاف شرکت...

ویڈ بھی کورونا سے متاثر ، جمعہ کو انگلینڈ کے خلاف شرکت کا ہنوز امکان

- Advertisement -
- Advertisement -

میلبورن ۔ میلبورن کرکٹ گراؤنڈ میں مینز ٹی 20 ورلڈ کپ کے سوپر 12 میں انگلینڈ کے خلاف اپنے اہم مقابلے سے عین قبل  میزبان اور دفاعی چمپئن آسٹریلیا کےلئے بری خبر ہے کہ  وکٹ کیپر میتھیو کا کورونا  ٹسٹ مثبت آیا۔کرکٹ آسٹریلیا کی ایک رپورٹ کے مطابق 34 سالہ ویڈ 15 رکنی اسکواڈ میں واحد کیپر، اب لیگ اسپنر ایڈم زمپا کے بعد اس وائرس کا شکار ہونے والے دوسرے آسٹریلوی کھلاڑی بن گئے ہیں، جب ان کا گزشتہ  رات ٹسٹ کا مثبت نتیجہ آیا۔

رپورٹ میں کہا گیا ہے کہ ویڈ کے بارے میں خیال کیا جاتا ہے کہ وہ صرف معمولی علامات کا شکار ہیں اور جب تک کہ ان کی حالت خراب نہیں ہوتی، اب بھی توقع کی جاتی ہے کہ وہ جمعہ کو انگلینڈ کے خلاف ایم سی جی میں ہونے والے ہائی اسٹیک میچ میں نمایاں موجود  ہوں گے۔آسٹریلیائی  کپتان ایرون فنچ نے اس سے قبل مشورہ دیا تھا کہ تجربہ کار اوپنر ڈیوڈ وارنر ممکنہ طور پر اسٹمپ کے پیچھے کھڑے ہوں گے اگر ویڈ کیپنگ سے غیر حاضر رہے، کیونکہ ریزرو کیپر جوش انگلس فریک ہاتھ میں زخم  کی وجہ سے پہلے ہی ورلڈ کپ سے باہر ہیں اور ان کی جگہ کیمرون گرین کو ٹیم میں شامل کیا گیا تھا۔

اتفاق سے فنچ نے خود بی بی ایل کی سطح کے دوران وکٹ کیپنگ کی ہے  ۔ جنکشن اوول میں آسٹریلیا کے پریکٹس سیشن کے دوران انگلینڈ کے خلاف ان کے شو ڈاؤن سے پہلے، آل راؤنڈر گلین میکسویل کو وکٹ کیپنگ کے دستانے پہناتے اور اسسٹنٹ کوچ آندرے بورویک کے ساتھ مشق کرتے ہوئے دیکھا گیا جس کی بعد امید ہے کہ میگس ویل بھی کیپنگ کی ذمہ داری نبھا سکتے ہیں ۔

رپورٹ میں یہ بھی کہا گیا ہے کہ اگرچہ آسٹریلیا کو یقین ہے کہ ویڈ کافی صحت مند ہے جو ایم سی جی میں جمعہ کا میچ کھیل سکتا ہے، لیکن انہیں ٹیم میں وائرس کو پھیلنے سے روکنے پر تشویش ہے، کیونکہ زمپا منگل کو پرتھ میں ہونے والے میچ سے محروم رہے، جہاں آسٹریلیا نے سری لنکا کو شکست دی تھی۔ٹورنامنٹ کے قوانین کے مطابق ورلڈ کپ کے قوانین ان کھلاڑیوں کو کھیلنے کی اجازت دیتے ہیں جن کا ٹسٹ مثبت آیا ہے۔ تاہم ویڈکوباقی ٹیم  سے علیحدہ طور پر گراؤنڈ کا سفرکرنا ہوگا اور وہ کھیل سے پہلے یا اس کے دوران ٹیم چینج روم استعمال نہیں کرسکیں گے۔