حیدرآباد : کانگریس پارٹی نے ہفتہ کے روز ٹی آر ایس حکومت کی سیکشن ہاؤسنگ اسکیم کے تحت ڈبل بیڈ مکانات کی تکمیل پر شدید شک و شبہات ظاہر کیا ہے۔اور مطالبہ کیا ہے کہ ریاستی حکومت ہر ضلع میں اقلیتوں کے لئے ان کی آبادی کے تناسب سے کو ٹا بڑھادے۔تلنگانہ پردیش کانگریس کمیٹی (ٹی پی سی سی) محکمہ اقلیتی کے چئیرمین شیخ عبد اللہ سہیل کی سربراہی میں،کانگریس کے سینئیر رہنماؤن کا وفد،جس میں سرکاری ترجمان سید نظام الدین،حیدرآباد سٹی اقلیتی محکمہ کے چئیرمین سمیر ولی اللہ اور دیگر شامل تھے،ہاؤسنگ کارپوریشن کے مینجنگ ڈائریکٹر چترا رام چندرن کے دفتر گئے۔اور نمائندگی کی کاپی دفتر میں جمع کروائی۔
بعد ازاں میڈیا نمائندوں سے گفتگو کرتے ہوئے عبد اللہ سہیل نے کہا کہ ریاستی حکومت نے اب تک 31اضلاع میں 2,80,616 ڈبل بیڈروم مکانات کی منظوری دی ہے۔ان میں سے صرف16,370یونٹ مکمل ہوا ہے۔انہوں نے کہا کہ کانگریس قائدین ریاست Two BHK تعمیرات کی اصل حیثیت حاصل کرنے کے لئے چیف سکریٹری،ہاؤسنگ کارپوریشن کے چئیرمین یا پرنسپل سکریٹری سے ملنا چاہتے ہیں۔
عبد اللہ سہیل نے کہا کہ گریٹر حیدرآباد میونسپل کارپوریشن میں مسلمانوں کی سب سے زیادہ تعداد ہے اور کھمم میں مسلمانوں کی آبادی سب سے کم ہے۔اسی طرح عیسائیوں کی سب سے زیادہ آبادی حیدرآباد میں ہے اور ان کی کم آبادی عادل آباد میں ہے۔لہذا،تمام اضلاع کے لئے یکساں ریزرویشن پالیسی اپنائی نہیں جا سکتی۔2011کی مردم شماری کے مطابق،حیدرآباد میں مسلمان آبادی 40%کا سے زیادہ ہیں۔سکھوں اور جینوں کی بھی شہری علاقوں میں کافی تعداد میں آبادی ہے۔لہذا،حیدرآباد میں او بی سی ایچ ایچ سی کی حدود میں آنے والے رنگا ریڈی،میڈ چل اور سنگا ریڈی میں بھی ذات پات کی فوری نظر ثانی کی ضرورت ہے۔
لہذا،کانگریس لیڈر نے کہا کہ ریاستی حکومت کو Two BHKیونٹوں کی الاٹمنٹ میں اقلیتوں کے لئے ریزرویشن فیصد پر نظر ثانی کے لئے ضروری اقدامات کرنا چاہئے۔انہوں نے کہا کہ ریزرویشن فیصد ہر ضلع اور اسمبلی حلقہ میں اقلیتوں کی آبادی کے تناسب سے ہونا چاہئے۔اس موقع پر ٹی پی سی سی کے سکریٹری ساجد شریف،رنگا ریڈی ڈسٹرکٹ اقلیتی محکمہ کے چئیرمیں محمد ریاز اور دیگر موجود تھے۔
