Wednesday, April 23, 2025
Homesliderکورونا وائرس ہوا میں پھیلتا ہے ،سائنسدانوں کا نیا انکشاف

کورونا وائرس ہوا میں پھیلتا ہے ،سائنسدانوں کا نیا انکشاف

- Advertisement -
- Advertisement -

واشنگٹن: کورونا وائرس سے جہاں ساری دنیا پریشان ہے اور اس کے ٹیکہ کا بے صبری سے انتظار کررہی ہے لیکن آئے دن اس مہلک بیماری کے متعلق نئے نئے انکشافات سامنے آرہے جیساکہ اب ماہرین نے دعویٰ کیا ہے کہ کورونا وائرس ہوا میں پھیلتا ہے۔

اب تک کورونا وائرس کے بارے میں کہا جاتا تھا کہ کھانسنے یا چھیکنے یا زور سے بولنے سے مریض کے منہ یا ناک سے خارج ہونے والے ذرات سے یہ وائرس دوسرے شخص کو شکار کرتا ہے لیکن اب 12 ملکوں کے250 کے قریب سائنس دانوں نے کہا ہے کہ یہ وائرس ہوا کے ذریعے انفیکشن پھیلاتا ہے اور بند جگہوں پر بھی اس سے بچنے کے لیے احتیاط کرنی چاہیے۔

اخبار نیویارک ٹائمز کے مطابق 12 ملکوں کے 239 سائنس دانوں نے عالمی ادارہ صحت کے نام ایک کھلے خط میں کہا ہے کہ وہ کورونا وائرس سے بچنے کے لیے اپنی ہدایات پر نظرِ ثانی کرے۔اس ہفتے کے ایک سائنسی رسالے میں اس خط کے مندرجات شائع کیے جائیں گے۔ان سائنس دانوں نے کہا ہے کہ کورونا وائرس ہوا سے پھیلتا ہے، یعنی وائرس کے ذرات بند جگہوں میں گردش کرتے ہیں اور سانس لیتے ہوئے یہ ذرات انسانی جسم کے اندر جا سکتے ہیں۔

عالمی ادارہ صحت نے کہا ہے وائرس سانس کے ذریعے ننھے ننھے قطروں کی شکل میں باہر نکلتے ہیں اور دوسرے شخص کو شکار کرتے ہیں۔ یعنی متاثرہ شخص کے کھانسنے اور چھیکنے سے یہ قطرے باہر آتے ہیں۔ یہ انتہائی چھوٹے اور باریک ہوتے ہیں ، اس لیے جلد ہوا میں مل جاتے ہیں۔

اخبار نیویارک ٹائمز نےکہا ہے کہ اگر یہ وائرس ہوا سے پھیلتا ہے تو پھر اس کو پھیلنے سے روکنے کی تدبیر بدل جائے گی اور ماسک کو گھروں کے اندر بھی لگانا ہو گا۔ اب تک گھروں کے اندر ماسک استعمال نہیں کیا جاتا ہے۔ یہاں تک کہ چھ فٹ سے دوری پر بھی اس کی ضرورت نہیں پڑتی ہے۔اسی طرح وینٹی لیٹرز نظام میں بھی تبدیلی لانا ہو گی اور ہوا کی گردش کو کم سے کم کرنا ہو گا۔حال ہی میں کورونا معاملات کی تعداد میں جو اضافہ ہوا ہے، اس کی وجہ عام طور سے یہ بتائی گئی کہ کاروبار اور دوکانیں کھلنے اس وبا کے پھیلاؤ میں اضافہ ہوا۔ اگر اس مفروضے کو سامنے رکھا جائے تو ان سائنس دانوں کی بات مصدقہ لگتی ہے کہ یہ وائرس ہوا میں موجود رہتا ہے اور بند کمروں میں بھی انفیکشن کے امکان کو رد نہیں کیا جا سکتا ہے۔