میسن (اوہائیو) ۔ فرانس کی کیرولین گارسیا نے ویسٹرن اینڈ سدرن اوپن کے فائنل میں جمہوریہ چیک کی پیٹرا کویٹوواکو 6-2، 6-4 سے ہرا کر ڈبلو ٹی اے 1000 خطاب جیتنے والی پہلی کوالیفائر بن گئیں۔ 28 سالہ سابق عالمی نمبر4 ایک ہفتے کے بعد پیر کو ٹاپ 20 میں واپس آگئی ہیں جس میں انہوں نے نو دنوں میں آٹھ میچوں میں کامیابی حاصل کی، تین ٹاپ 10 حریفوں کو شکست دی، اور کویٹووا کو زیر کر کے اپنے کیرئیر کا 10 واں خطاب جیتا۔ علاوہ ازیں یہ ان کا سیزن کا تیسرا اور 2017 کے بعد پہلا ڈبلو ٹی اے 1000 خطاب ہے ۔
عالمی نمبر 35 نے 28ویں نمبر کی کویٹووا کو پیچھے چھوڑنے میں 1 گھنٹہ 42 منٹ کا وقت لیا۔خالص خوشی، میرے خیال میںگارسیا جیت کے بعد میڈیا کے حوالے سے کہا گیا۔ انہوں نے مزید کہاکہ بس خوشی، ہر ایک جیت بہت اہم ہوتی ہے۔ ہر خطاب بہت خاص ہوتا ہے، اسے بیان کرنا ہمیشہ بہت مشکل ہوتا ہے۔ ایسا اکثر نہیں ہوتا ہے اور آپ کو واقعی اس سے لطف اندوز ہونا پڑے گا۔ میں واقعی میں خوش ہوں۔ ٹینس کے اس عظیم ہفتے کے لیے شکر گزار ہوں، اور ایک اور خطاب جیتنا بہت خاص ہے۔ہر میچ، ہر دن ایک نیا دن تھا، نیا چیلنج۔ ہر بار مجھے اپنے آپ پر، اپنے کھیل پر توجہ مرکوز کرنی پڑتی تھی ، میں کیا کر سکتی ہوں، میں کس طرح زیادہ جارحانہ ہو سکتی ہوں، میں کیسے بہتری لا سکتی ہوں اسی کےلئے کوشاں ہوں ۔
ڈبلو ٹی اے 1000 میں سب کچھ بہت تیزی سے ہوتا ہے۔ آپ کو ہر صبح دوبارہ توجہ مرکوز کرنی پڑتی ہے۔ یہ ایک مشکل چیلنج ہے، لیکن جس طرح سے ہم نے اسے عبور کیا میں واقعی خوش ہوں۔ گارسیا کی رینکنگ اس سال نمبر 79 تک گرگئی تھی لیکن فرنچ اوپن کے بعد سے کوئی بھی سرکٹ پر بہترکارکردگی کا مظاہرہ نہیں کرپائی ۔ سابق عالمی نمبر 4 نے جون سے لے کر اب تک 27 مین ڈرا میچ جیتے ہیں۔ اس موسم گرما میں اپنی شاندار دوڑ کے دوران، گارسیا اس سیزن کے لیے ایس لیڈر بھی بن گئی ہیں، قازقستان کی ومبلڈن چمپیئن ایلینا ریباکینا کو پیچھے چھوڑ کر انہوں نے یہ کارنامہ انجام دیا ۔گارسیا نے فائنل میں 11 ایسز کا اضافہ کر کے سال کے لیے اپنے مجموعی اسکور کو 286 تک پہنچا دیا۔گارسیا نے کہا ہم جانتے ہیں کہ (کویتووا) ایک بڑی ہٹر ہے۔لہذا منصوبہ یقینی طور پر یہ تھا کہ اسے ایسا نہ کرنے دیا جائے، جو ہمیشہ آسان نہیں ہوتا، لیکن یہی منصوبہ تھا۔
