سڈنی۔ ہندوستانی کرکٹ ٹیم کورونا کے بحران میں اپنی پہلی باہمی سیریز کھیلے گی اور ان کا پہلا مقابلہ آسٹریلیا کے خلاف سڈنی گرا ¶نڈ میں جمعہ کو ونڈے ہوگا۔ ہندوستان نے 2018-19 میں آسٹریلیائی سرزمین پر تین ونڈے میچوں کی سیریز 2-1 سے جیتی تھی لیکن اس مرتبہ حالات بالکل مختلف ہیں اور آسٹریلیائی ٹیم گزشتہ کے مقابلے میں زیادہ مضبوط نظرآرہی ہے ۔ یہ سیریز آئی سی سی ونڈے ورلڈ کپ سوپر لیگ کا حصہ ہے جس میں ہر میچ جیتنے پر پوائنٹ ملیں گے ۔اس سوپر لیگ کے تحت یہ ہندوستان کی پہلی ونڈے سیریز ہے ۔ ہندوستان کو 2023 میں 50 اوورس کے ورلڈ کپ کی میزبانی کرنی ہے ۔ ورلڈ کپ میں راست رسائی کرنے والی ٹیموں کا فیصلہ اس لیگ کی بنیاد پرہوگا۔
ہندوستانی ٹیم کے بیشتر کھلاڑی اس مہینے 10 نومبر کو متحدہ عرب امارات میں ختم ہوئی آئی پی ایل کا حصہ تھے اور ٹیم کے تمام کھلاڑی براہ راست دبئی سے سڈنی پہنچے ہیں اور یہاں ٹیم 14 دن کے قرنطینہ میں رہنے کے بعدکورونا میں اپنے پہلے بین الاقوامی میچ کے لئے تیار ہوچکی ہے ۔ دوسری جانب آسٹریلیائی ٹیم نے آئی پی ایل سے قبل انگلینڈ میں تین ٹی20 اور تین ون ڈے سیریز کھیلی تھی۔آسٹریلیا کے سوپر لیگ میں تین میچوں میں سے20 نشانات ہیں جب کہ ہندوستان کو اپنا کھاتہ کھولنا ہے ۔
قطعی 11 کھلاڑیوں کا انتحاب ایک چیلنج
ویراٹ کوہلی کی قیادت میں ٹیم کے لئے ونڈے سیریز کے لئے صحیح ٹیم کا انتخاب کرنا ایک بہت بڑا چیلنج ہے ۔محدود اوورز کے نائب کپتان روہت شرما کو عضلات میںجکڑن کی وجہ سے ونڈے اور ٹی20 سیریز سے باہر ہوگئے ہیں ۔ ان کی عدم موجودگی میں شکھر دھون کے ساتھی اوپنر لوکیش راہول ہوسکتے ہیں۔ راہول نے آئی پی ایل13 میں کنگز الیون پنجاب کی طرف سے کھیلتے ہوئے ٹورنمنٹ میں سب سے زیادہ رنز بنائے ہیں ۔
🗣️ KL Rahul on gearing up for the wicket-keeping duties in white-ball cricket. #TeamIndia | @klrahul11 pic.twitter.com/T7cMKUx5uU
— BCCI (@BCCI) November 25, 2020
راہول رواں سال کے شروع میں آسٹریلیا کے خلاف ہندوستان کی ونڈے سیریز میں مڈل آرڈر میں اترے تھے اور پانچویں نمبر پر بیٹنگ کی تھی لیکن روہت کے باہر ہونے کی وجہ سے انہیں اوپننگ میں موقع دیا جاسکتا ہے جس سے ہندوستان سیریز کے پہلے میچ میں اچھی شروعات کرے ۔ خود راہول نے کہا ہے کہ وہ ٹیم کی ضرورت کے مطابق کسی بھی نمبر پر کھیلنے کو تیار ہیں۔
کوہلی 12 ہزار رنز کے ریکارڈ کے قریب
Timing them to perfection! 👌👌#TeamIndia skipper @imVkohli getting batting ready ahead of the first ODI against Australia 💪🏻🔝 #AUSvIND pic.twitter.com/lG1EPoHVKK
— BCCI (@BCCI) November 26, 2020
ٹیم میں افتتاحی دعویدار کے طور پر مینک اگروال اور سنجو سیمسن بھی شامل ہیں جنہوں نے آئی پی ایل میں شاندار کارکردگی کا مظاہرہ کیا۔ راہول اور سیمسن دونوں وکٹ کیپر ہیں لیکن وکٹ کیپرکے طور پر ٹیم کی پہلی پسند راہول ہیں۔کپتان کوہلی تیسرے نمبر پر کھیلنے اتریں گے ۔کوہلی اس سیریز میں12000 رنز مکمل کرنے کاریکارڈ حاصل کرسکتے ہیں ۔ ان کے نام میں248 میچوں میں11867 رنز ہیں۔ روہت کے باہر ہونے سے محدود اوور میں کوہلی کی ذمہ داری زیادہ بڑھ جائے گی ۔اپنی کپتانی میں دہلی کیپٹلس کو آئی پی ایل کے فائنل تک لے جانے والے شریس ایر چوتھے نمبر پر رہیں گے ۔ منیش پانڈے اور شبھمان گل میں سے کوئی پانچویں نمبر پر کھیلے گا۔ ہاردک پانڈیا چھٹے نمبر پر جبکہ نئے فنیشر آل راونڈر رویندر جڈیجہ ساتویں نمبر پر رہیں گے ۔ اسپنر کی جگہ کے لئے لیگ اسپنر یوزویندر چہل کو کلدیپ یادو پر ترجیح ملے گی ۔فاسٹ بولنگ کا ذمہ جسپریت بمرا، محمد سمیع اور نودیپ سینی پر رہے گا۔ آخری الیون میں جگہ بنانے کے لئے سینی کو شاردل ٹھاکر سے چیلنج مل سکتا ہے ۔
آسٹریلیا گزشتہ سیریز کی طرح کمزور نہیں
دوسری طرف آسٹریلیائی ٹیم گزشتہ کے مقابلے میں اس بار مضبوط نظرآرہی ہے ۔ جارحانہ اوپنر ڈیوڈ وارنر اور تجربہ کار اسٹیون اسمتھ ٹیم کی بیٹنگ کو مضبوطی فراہم کریں گے ۔ وارنر اور اسمتھ کے ساتھ کپتان آرون فنچ ، فاسٹ بولر پیٹ کمنز ، جوش ہیزل ووڈ ، گلین میکسویل ، مارکس اسٹونیس اور لیگ اسپنر ایڈم زمپا نے آئی پی ایل میں کھیلا اور یہ تمام کھلاڑی اچھے فارم میں نظر آرہے ہیں۔
آسٹریلیائی فاسٹ بولر پیٹ کمنس ، میچل اسٹارک ، اینڈریو ٹائی اور جوش ہیزل ووڈ ہندوستانیبیٹسمینوں کا سخت امتحان لینے کے لئے تیار ہیں ۔ اسپن کے شعبے میں بائیں ہاتھ کے اسپنر اشٹن ایگر اور لیگ اسپنر ایڈم زمپا کے مابین مقابلہ ہوگا۔آل راؤنڈر کے کردار کے لئے گلین میکسویل اور مارکس اسٹونیس اپنے دعوی پیش کریں گے ۔ اسٹونیس آئی پی ایل میں کھیلے اور بہت کامیاب رہے جبکہ انگلینڈ کے خلاف آخری ونڈے میں سنچری بنانے والے میکس ویل نے آئی پی ایل میں کافی جدوجہد کی تھی۔
Tomorrow, Australia plays cricket! 🙌 #AUSvIND pic.twitter.com/yTvY5FkAeP
— Cricket Australia (@CricketAus) November 26, 2020
بیٹنگکا ذمہ کپتان فنچ ، وارنر اور اسمتھ کے ساتھ مارنس لابوشین پر رہے گا ۔ لابوشین تاہم انگلینڈ کے خلاف تین ون ڈے میچوں میں کوئی بڑا اسکور نہیں بنا سکے تھے لیکن ان کے نام 10 ونڈے میچوں میں ایک سنچری اوردو نصف سنچریاں درج ہیں۔اس سیریز کے ساتھ ہی ہندوستان اور آسٹریلیا کی ون ڈے تاریخ میں 40 سال مکمل ہورہے ہیں اور2023 ورلڈکپ کے پیش نظر دونوں ٹیمیں سیریز میں زیادہ سے زیادہ نشانات جمع کرنے پر نگاہ رکھیں گی۔ سیریز کا دوسرا میچ 29 نومبر کو سڈنی میں کھیلا جائے گا جبکہ تیسرا میچ 2 دسمبر کوکینبرا میں کھیلا جائے گا۔
