Tuesday, May 28, 2024
Homesliderہندوستان کے خلاف ہماری کامیابی حیران کن نتیجہ ہوگی:شکیب الحسن

ہندوستان کے خلاف ہماری کامیابی حیران کن نتیجہ ہوگی:شکیب الحسن

- Advertisement -
- Advertisement -

ایڈیلیڈ ۔ ہندوستان کے خلاف ٹی 20 ورلڈ کپ میں اپنے سوپر 12 میچ کے موقع پر بنگلہ دیش کے کپتان شکیب الحسن کا ماننا ہے کہ روہت شرما کی قیادت والی ٹیم چہارشنبہ  کا میچ جیتنے کے لیے پسندیدہ ہے اور اگر ان کی ٹیم ہندوستان کے خلاف  کامیابی حاصل کرتی ہے تو  2007 کے چمپئن کے خلاف اس کامیابی کو حیران کن  نتیجہ  قرار دیا جائے گا۔پرتھ میں پانچ وکٹوں کی شکست ، جنوبی افریقہ کے فاسٹ بولروں کی تیز رفتار اور اچھال سے پریشان ہونے کے بعد ہندوستان ٹورنمنٹ میں کامیابی کی راہ پر  واپس ہونے کی کوشش کررہا ہے جب وہ ایک خوبصورت ایڈیلیڈ میں گروپ 2 کے ایک اہم میچ میں بنگلہ دیش کے خلاف چہارشنبہ کو ایک اہم مقابلہ کھیلے گا۔

دوسری جانب بنگلہ دیش برسبین میں زمبابوے کو تین رنز سے شکست دینے کے بعد میچ میں آرہا ہے۔ دونوں ٹیموں کے درمیان کھیلے گئے 11 ٹی 20 میچوں میں، ہندوستان نے 10 فتوحات حاصل کی ہیں جبکہ بنگلہ دیش صرف ایک مرتبہ جیتنے والی ٹیم ہے۔شکیب نے میچ سے قبل پریس کانفرنس میں کہا ہندوستان کامیابی کےلئے پسندیدہ ٹیم ہے، وہ یہاں ٹی 20 ورلڈ کپ جیتنے کے لیے آئی ہے۔ ہم خطاب کے دعویدار نہیں ہیں اور ہم یہاں ورلڈ کپ جیتنے کے لیے نہیں آئے تھے لہذا آپ صورتحال کو سمجھ سکتے ہیں اور ہم اسے جانتے ہیں۔ اگر ہم ہندوستان  کے خلاف کامیابی حاصل کرتے  ہیں تو اسے حیران کن نتیجہ کہا جائے گا ۔ ہم اپنی بہترین کرکٹ کھیلنے کی کوشش کریں گے اور حیران کن نتیجہ  حاصل کرنے کی کوشش کریں گے ۔

بنگلہ دیش کے کے لیے سب سے بڑا چیلنج ان فارم سوریا کمار یادیو کو ایڈیلیڈ میں ایک اور بڑا اسکور حاصل کرنے سے روکنا ہوگا۔ 985 رنز کے ساتھ سوریا کمار اس سال ٹی ٹوئنٹی میں سب سے زیادہ رنز بنانے والے کھلاڑی ہیں اور اپنے 360 ڈگری کھیلنے کے انداز کے ساتھ انہوں نے نیدرلینڈز کے خلاف 25 گیندوں پر نصف  سنچری اسکور کی اور جنوبی افریقہ کے خلاف شاندار جوابی حملہ کرتے ہوئے 68 رنز بنائے، خاص طور پر جب بقیہ ہندوستانی بیٹرس  افریقی فاسٹ بولنگ کے خلاف پریشان  تھے ۔

گیند کے ساتھ، بنگلہ دیش کے بیٹرس کو بائیں ہاتھ کے فاسٹ بولر ارشدیپ سنگھ کے خلاف اپنا کام بہتر کرنا ہوگا ۔ شکیب نے کہا کہ میں نے پہلی بار اسے آئی پی ایل کے دوران دیکھا، وہ واقعی اچھی بولنگ کررہے ہیں، خاص طور پر نئی گیند کے ساتھ۔ اس نے کافی پختگی کا مظاہرہ کیا جب ظاہر ہے کہ جسپریت بمراہ نہیں ہیں۔ وہ بہت زیادہ ذمہ داری  نبھارہے ہیں اور ہندوستان کے لیے ایک بہترین دریافت ہے۔