یوگی کی تنخواہ مودی سے بھی زیادہ لیکن کے سی آر سب سے آگے

نئی دہلی  – وزیر اعظم ملک کا سربراہ ہوتا ہے لیکن تنخواہ کے معاملے میں کئی ریاستوں کے چیف منسٹرس کی تنخواہیں ان سے کافی زیادہ ہیں۔ یہاں تک کہ اترپردیش کے چیف منسٹر یوگی آدتیہ ناتھ کی تنخواہ بھی وزیرا عظم نریندر مودی سے تقریبا دوگنا زیادہ ہے ۔ وزیر اعظم کی تنخواہ پارلیمنٹ طے کرتی ہے اوراس میں ہر دس سال کے بعد ترمیم ہوتی ہے ۔ وزیر اعظم کا تنخواہ31 جولائی2012 کو ایک لاکھ60 ہزار روپئے طے کی گئی تھی۔ مطلب اب اس میں اضافہ یاکمی جولائی 2022 میں ہوسکے گی۔

دوسری جانب ریاستوں کے چیف منسٹرسکے تنخواہوں کے لئے ایسا کوئی طریقہ کار نہیں ہے ۔ چیف منسٹرس کی تنخواہ اس ریاست کے مالی حالت پر منحصر کرتی ہے ۔ ملک میں سے زیادہ تنخواہ تلنگانہ کے چیف منسٹر چندرشیکھر راؤ کی ملتی ہے جو 4 لاکھ 10 ہزار روپئے ہے ۔

دہلی کے چیف منسٹر کی تنخواہ 3 لاکھ 90 ہزار روپئے ہے جبکہ اترپردیش کے چیف منسٹر یوگی کی تنخواہ 3 لاکھ 65 ہزار روپئے ہے ۔ مہاراشٹرا کے چیف منسٹرس کی تنخواہ 3 لاکھ 40 ہزار روپئے ہے ۔ مدھیہ پردیش کے چیف منسٹرس کمل ناتھ 3لاکھ 35 ہزار روپئے اورگجرات کے چیف منسٹر کی تنخواہ 3 لاکھ 21 ہزار روپئے ہے ۔ اڑیسہ کے چیف منسٹر نوین پٹنائک کی تنخواہ وزیر اعظم کے برابر ایک لاکھ 60 ہزار روپئے ہے ۔

شمال مشرق کی سبھی ریاستوں کے چیف منسٹرس کی تنخواہیں وزیر اعظم سے کم ہیں۔ میگھالیہ کے چیف منسٹر کی تنخواہ ایک لاکھ 50 ہزار روپئے ، اروناچل پردیش کے چیف منسٹر کی تنخواہ ایک لاکھ 33 ہزار روپئے ، آسام کے چیف منسٹر کو ایک لاکھ 25 ہزار روپئے ، منی پور کے چیف منسٹرکو ایک لاکھ 20 ہزار روپئے ، ناگالینڈر کے چیف منسٹر کو ایک لاکھ 10 ہزار روپئے اور تریپورہ کے چیف منسٹر کو ایک لاکھ پانچ ہزار روپئے تنخواہ ملتی ہے ۔اس کے علاوہ ہماچل پردیش،ہریانہ، پنچاب،گوا، بہار، مغربی بنگال اور تمل ناڈو کے چیف منسٹرس کی تنخواہیں وزیرا عظم کو ملنی والی تنخواہ سے زیادہ ہے۔