نئی دہلی۔ احمد آباد، لکھنؤ او رمنگلوروکے ایرپورٹس کی دیکھ بھال کا اختیار پچاس سال کے لیے اڈانی گروپ کو مل گیا ہے ۔ ایر پورٹ اتھارٹی آف انڈیا (اے اے آئی) نے آج بتایا کہ اڈانی گروپ کی اکائیوں کے ساتھ تینوں ایرپورٹس کے لیے آج کانسیشن معاہدے پر دستخط کئے گئے ۔ ان ایرپورٹس کا دیکھ بھال پبلک پرائیوٹ پارٹنرشپ کی بنیاد پرکیا جائے گا۔ اڈانی گرو پ کے پاس ایرپورٹس کے دیکھ بھال مینجنٹ اور ڈیولپمنٹ کا اختیار ہوگا۔ ان ایرپورٹس سے حاصل آمدنی پرکمپنی کا اختیار ہوگا۔
اڈانی گروپ نے پہلی مرتبہ ایرپورٹس کے کاروبار میں قدم رکھا ہے ۔ اس نے کہا کہ اس کی اکائیاں اڈانی لکھنؤ ایرپورٹ لمیٹیڈ، اڈانی احمدآباد بین الاقوامی ایرپورٹ لمیٹیڈ اور اڈانی منگلورو ایرپورٹ لمیٹیڈ نے تینوں ایرپورٹس کے لیے متعلقہ الگ الگ معاہدوں پر دستخط کئے ۔ یہ معاہدے پچاس سال کے لیے کئے گئے ہیں۔
اے اے آئی نے گذشتہ برس چھ ایرپورٹس کی دیکھ بھال پبلک پرائیوٹ پارٹنرشپ کے تحت خانگی کمپنیوں کو سونپنے کے لیے ٹنڈر جاری کیا تھا۔ اس میں احمد آباد‘لکھنؤ اورمنگلورو کے علاوہ جے پور، گوہاٹی اور تریوندرم ایرپورٹس شامل تھے ۔تمام چھ ایرپورٹس کے لئے اڈانی گروپ نے کامیاب بولی لگائی تھی۔ ان میں تین ایرپورٹس کے لیے آج معاہدوں پر دستخط ہوئے ۔
اے اے آئی نے کہا کہ دیکھ بھال کا حق کے بدلے اڈانی گروپ سے اسے یک مشت رقم ملے گی اس کا استعمال پرانے ایرپورٹس کے دیکھ بھال اور ڈیولپمنٹ اور نئے ایرپورٹس بنانے کے لیے کیا جائے گا۔
