دبئی: متحدہ عرب امارات نے اپنے شہریوں اور رہائشیوں کو بیرون ملک سفر کرنے کی اجازت دے دی ہے۔تفصیلات کے مطابق متحدہ عرب امارات نے اعلان کیا ہے کہ اماراتی شہری اورمقیم غیرملکی مخصوص شرائط و ضوابط کے ساتھ سفر کرسکتے ہیں۔ کورونا وائرس سے نمٹنے کے سلسلے میں اماراتی ایرپورٹس اور متعلقہ ممالک کی شرائط پوری کرنے پر سفر کی اجازت ہوگی۔مارچ میں متحدہ عرب امارات نے آنے اور جانے والی مسافر پروازوں اور جہازوں کی ٹرانزٹ سروس بھی معطل کی تھی لیکن اس دورانایئر پورٹس پر کارگو اور ہنگامی انخلا کی اجازت تھی۔
کورونا وائرس کے پھیلاؤ کو روکنے کے لیے دیگر ممالک کی طرح متحدہ عرب امارات نے بھی حفاظتی انتظامات کیے تھے۔ متحدہ عرب امارات نے اعلان کیا ہے کہ اماراتی شہری اورمقیم غیرملکی مخصوص شرائط و ضوابط کے ساتھ سفر کرسکتے ہیں۔ کورونا وائرس سے نمٹنے کے سلسلے میں اماراتی ایرپورٹس اور متعلقہ ممالک کی شرائط پوری کرنے پر سفر کی اجازت ہوگی۔
امارات میں ایمرجنسی سسٹم کے قومی ادارے اور شہریت و قومیت کے وفاقی ادارے نے مشترکہ بیان میں کہاہے کہ اماراتی شہری اور مقیم غیرملکی ان ملکوں کا سفر کرسکیں گے جہاں کے لیے اماراتی اور دیگر ملکوں کی فضائی کمپنیاں پروازیں چلا رہی ہیں۔
مشترکہ بیان میں مزید کہا گیا کہ سفر کرنے والوں کو اماراتی ایرپورٹس کے مقرر کردہ صحت ضوابط کی پابندی کرنا ہوگی۔ صحت عامہ، متعلقہ ملک کی جانب سے مقرر ٹسٹ، قرنطینہ کی پابندیاں لگی ہوئی ہیں ان سب کا احترام کرنا ہوگا جبکہ کورونا وائرس سے حفاظتی تدابیر کی بابت مکمل آگہی بھی حاصل کرنا ہوگی۔
سفر سے قبل اور واپسی پر تمام مقررہ ضوابط کی پابندی کرائی جائے گی-اماراتی شہریوں کو سفر کے دوران مقامی حکام سے ربط و ضبط کی سہولت مہیا کرنے کے لیے تواجدی ویب ایپ میں اندراج کروانا ہوگا۔سفر سے قبل مقامی شہریوں اور مقیم غیرملکیوں کو نئے کورونا وائرس ٹسٹ کروانا ہوگا۔سفر سے زیادہ سے زیادہ اڑتالیس گھنٹے قبل کا ہی کورونا ٹسٹ معتبر ہوگا۔
کورونا ٹسٹ کانتیجہ الحصم ایپ کے ذریعے فراہم کرنا ہوگا یا ملک کے کسی بھی ایرپورٹ پر متعین متعلقہ حکام کے سامنے کورونا سے متاثر نہ ہونے کا سرٹیفکیٹ پیش کرنا ہوگا۔کورونا ٹسٹ میں وائرس سے پاک ہونے اور انٹرنیشنل ہیلتھ انشورنس کروائے بغیر کسی بھی شخص کو سفر کی اجازت نہیں دی جائے گی۔ ضروری ہوگا کہ ہیلتھ انشورنس اسکیم اس ملک میں بھی موثر ہو جہاں کا سفر کیا جارہا ہے۔
غیرملکیوں کو امارات واپس آنے پر متعلقہ ملک سے پیشگی کورونا ٹسٹ رپورٹ لانا ہوگا۔اماراتی حکام نے 70 برس سے زیادہ عمر کے لوگوں اور لاعلاج امراض میں مبتلا افراد کو ان کی صحت و سلامتی کی خاطر ان دنوں امارات سے باہر کا سفر نہ کرنے کا مشورہ دیا ہے۔
