میلبورن۔ ٹسٹ ڈیبیو کرنے والے بولراسکاٹ بولانڈ اپنے چار اوورز میں 6/7 کے اعداد و شمار کے ساتھ شاندار مظاہرہ کیا اور آسٹریلیا نے منگل کو میلبورن کرکٹ گراؤنڈ (ایم سی جی ) میں انگلینڈ کو ایک اننگز اور 14 رنز سے شکست دے کر ایشزخطاب کو برقرار رکھا۔ اس فتح سے آسٹریلیاصد فیصدنشانات کے ساتھ ورلڈ ٹسٹ چمپئن شپ جدول میں سرفہرست رہنے کو یقینی بناتا ہے، جبکہ انگلینڈ مزیدنقصان سے دوچار ہو گیا۔مچل اسٹارک اور بولینڈ کی سنسنی خیز بولنگ کارکردگی کے بعدانگلینڈ کو اپنے دو بہترین بیٹسمینوں کپتان جو روٹ اور آل راؤنڈر بین اسٹوکس سے بڑی کارکردگی کی ضرورت تھی اور اس جوڑی کی طرف سے کچھ دلکش ڈرائیوز نے انہیں امید کی ایک جھلک دی لیکن آسٹریلیائی بولروں کو ایک بار پھر اپنی تال مل گئی تو کامیابی شروع ہوگئی۔
اسٹارک ایک مکمل خوبصورتی کے ساتھ اسٹوکس کو آوٹ کیا ۔ آل راؤنڈر اسٹوکس کے پاس اسٹارک کی گیند کا کوئی جواب نہیں تھا کیونکہ گیند اندر گھس گئی اور اسٹمپ کو توڑ دیا۔آوٹ ہونے سے قبل اسٹوکس نے 11 رنز بنائے۔ اس کے بعد بولانڈ شو شروع ہوا جب اس نے ایک تباہ کن جادو ئی اسپل شروع کیا جس نے حریف کو مکمل طور پر بکھر دیا۔ اپنے تین اوورز کے دوران انہوں نے چار وکٹیں حاصل کیں۔ سب سے پہلے اس نے جونی بیئرسٹو کو اسٹمپ کے سامنےایل بی ڈبلیو کیا ۔ بیئر سٹو5 رنز بناکر آوٹ ہوئے۔ اس کے بعد روٹ کی بڑی وکٹ ایک مکمل ڈلیوری کے ساتھ آئی، جو انگلینڈ کے کپتان سے چھوٹ گئی۔ روٹ صرف 28 رنز بنا کرسلیپ میں وارنر کے ہاتھوں آوٹ ہوئے ۔ اگلے نمبر پر مارک ووڈ تھے، بولانڈ نے سنسنی خیز کیچ اینڈ بولڈ کیا۔ ہجوم اپنے پیروں پر کھڑا تھا کیونکہ آسٹریلیا اب پانچ ٹسٹ میچوں کی سیریز میں 3-0 کی فتح سے صرف دو وکٹوں کے فاصلے پر تھا۔
اولی رابنسن بولانڈ کے خلاف آوٹ ہونے والے اگلے کھلاڑی تھے۔ رابنسن صفر پر آؤٹ ہوئے۔ آخر تک بولانڈ کے اعداد و شمار چار اوورز میں 6/7 تھے۔ آخری وکٹ کیمرون گرین نے لے لی، اینڈرسن 2 رنز بناکر آوٹ ہوئے اور انگلینڈ کی ساری ٹیم 68 رنز پر ڈھیر ہو گئی اور میچ ایک اننگز اور 14 رنز سے ہار گیا۔ آسٹریلیا نے ایشز کے ساتھ اب 3-0 کی ناقابل تسخیر برتری حاصل کر لی ہے۔ چوتھا ٹسٹ 5 جنوری سے سڈنی کرکٹ گراؤنڈ میں مقرر ہے۔مختصر اسکور: انگلینڈ 185 اور 68 27.4 اوورز میں آل آؤٹ (مچل اسٹارک 3/29، سکاٹ بولینڈ 6/7) آسٹریلیا 267 (مارکس ہیرس 76، ڈیوڈ وارنر 38) ۔
