علی گڑھ: علی گڑھ مسلم یونیورسٹی (اے ایم یو) کے وائس چانسلر طارق منصور نے ایڈہاک بنیاد پر کیمسٹری پی ایچ ڈی کے طالب علم محمد طارق کو اسسٹنٹ پروفیسر مقرر کیا ہے۔محمد طارق ان طلباء میں سے ایک تھا،جو 15دسمبر کو کیمپس میں انسداد شہریت ترمیمی ایکٹ (سی اے اے) کے لئے احتجاج کے دوران پولیس کے ساتھ ہوئے جھڑپ میں شدید زخمی ہوا تھا۔اور اس کے دائیں ہاتھ کی انگلیوں کو شدید نقصان پہنچا تھا۔
جے آر ایف اور نیٹ،کوالیفائی پی ایچ ڈی اسکالر طارق کو انفیکشن پھیلنے سے بچانے کے لئے اپنی ہتھیلی کا ٹنا پڑا۔اے ایم یو کے سرکاری ترجمان کے مطابق،یہ تقرری پیر کے روز فوری طور پر ڈین،سائنس فیکلٹی اور چئیر مین،شعبہ کیمسٹری کے مشورے سے کی گئی۔
اس سے قبل شام کو،طلباء،اساتزہ اور غیر تدریسی عملے کی ایک بڑی تعداد نے کیمپس میں شمع جلوس نکالا،جس میں کیمپس میں پولیس کو طلب کرنے پر وائس چانسلر کے خلاف نعرے بازی کی گئی۔
اتوار کے روز،اے ایم یو کے وائس چانسلر طارق منصور نے جسٹس (ریٹائرڈ)وی کے گپتا کے ذریعہ بھی داخلی حقائق سے متعلق تحقیقات کا آغاز کیا۔وہ 15 دسمبر سے ایم ایم یو میں رونما ہونے والے تمام واقعات کی تحقیقات کریں گے اور تین ماہ کی مدت میں اپنی رپورٹ پیش کریں گے۔جسٹس گپتا،ہماچل پردیش اور اترا کھنڈ ہائی کورٹ کے سابق جسٹس ہیں۔
