دبئی ۔ بارش رحمت ہوتی ہے لیکن جب یہ حد سے زیادہ ہوجائے تو رحمت کی بجائے زحمت بن جاتی ہے ایسا ہی کچھ دئی میں ہوا جہاں بارش کی وجہ سے 154 ٹریفک حادثات ہوئے ہیں ۔دبئی میں آپریشن کمانڈ کے اعلیٰ عہدیدار کرنل ترکی بن فارس کے مطابق بارش کے باعث 154ٹریفک حادثات ریکارڈ پر آئے ہیں۔دبئی اور شارجہ میں منگل اور چہارشنبہ کی درمیانی شب سے شروع ہونے والی بارش چہارشنبہ کو دن بھر جاری رہی۔ جس کے بعد حکام نے ڈرائیوروں سے اپیل کی کہ وہ موسم کی خرابی کے دوران احتیاط سے گاڑی چلائیں۔
البیان آن لائن کے مطابق دبئی محکمہ ٹریفک کے ڈائریکٹر بریگیڈیئر سیف المزروعی نے کہاکہ متعدد سڑکیں بند کردی گئی ہیں۔ٹریفک حادثات میں تباہ ہونے والی گاڑیوں کوراستے سے ہٹا دیا گیا ہے۔موسلا دھار بارش کے باعث دبئی ایر پورٹ پروازوں کے لیے بند کردیا گیا تھا۔ موسم بہتر ہونے پر ایر پورٹ پروازوں کے لیے دوبارہ کھول دیا گیا۔عجمان پولیس کے مطابق بارش کے دوران ریاست میں کوئی بڑا ٹریفک حادثہ پیش نہیں آیا۔ ٹریفک اژدہام ضرور تھاتاہم ٹریفک میں کہیں بھی خلل نہیں پڑا۔
موسمیات کے ماہرین نے موسم کی پیش قیاسی کررتے ہوئے کہا ہے کہ میں جمعرات کو موسم جزوی طور پر ابر آلود رہا لیکن جمعہ کو بعض مقامات پر بارش کا امکان ہے۔الامارات الیوم نے دبئی میں موسمیات کے قومی مرکز کے حوالے سے بتایا ہے کہ ہفتے کی صبح تک ساحلی علاقوں، مغربی جزیروں اور بعض شمالی علاقہ جات میں بارش کا امکان ہے۔ذرائع کے مطابق ایک تارک وطن نے کہاکہ وہ شارجہ سے دبئی اپنے آفس 4گھنٹے میں پہنچ سکا۔ جگہ جگہ سڑکیں بارش کے باعث بند تھیں یا ٹریفک جام تھا۔بارش کی وجہ سے عام زندگی کافی متاثر ہوئی ہے ۔
