دمکا۔ جھارکھنڈ کے ریاستی کانگریس کمیٹی کے صدر اور سابق رکن پارلیمنٹ رامیشوراوراؤنے الزام لگاتے ہوئے کہا ہے کہ ریاست کے چیف منسٹر رگھوور داس کی قیادت میں بی جے پی کی حکومت گزشتہ پانچ برسوں میں وعدے پورے کرنے میں ناکام رہی ہے اس لئے اسے عوام سے ووٹ مانگنے کا کوئی اخلاقی حق نہیں ہے ۔
رامیشور نے یہاں دمکا میں منعقد کانفرنس میں ریاست کے چیف منسٹر رگھوور داس کی قیادت والی بی جے پی حکومت کو تنقید کا نشانہ بناتے ہوئے کہا کہ رگھوور داس نے اپریل2018 تک سنتال پرگنہ کے سبھی علاقوں میں 24 گھنٹے بجلی فراہم نہیں کرنے پر ووٹ نہ مانگنے کا اعلان کیا تھا لیکن اس علاقے میں کبھی بھی 16۔15 گھنٹے بجلی مہیا کرانا ممکن نہیں ہوپایا ہے ۔ سابق اعلانات کو پورا نہیں کرپانے کی بنیاد پر داس کو عوام سے دوبارہ ووٹ مانگنے کا اخلاقی حق نہیں ہے ۔
ریاستی صدر نے کہا کہ جھارکھنڈ کی تشکیل کے19 برسوں کے دوران تقریبا 16 برسوں تک ریاست میں بی جے پی کی حکومت رہی ہے لیکن سنتال پرگنہ سمیت ریاست کے مختلف علاقوں کے لوگ تعلیم، صحت، سڑک، روزگار، پینے کے پانی نہیں ملنے کی مسائل سے دوچار ہیں۔ حکومت عوام کو ان مسائل سے راحت دلانے میں پوری طرح ناکام ہے ۔ رامیشور نے کہا کہ پورا ملک معاشی بحران کے دور سے گذررہا ہے ۔ بحران کی وجہ سے جو گھر کبھی خوشحال تھا آج وہ گھر بدحال ہے ۔ریاستی صدر نے کہا کہ اثر نامی ادارہ کی سروے رپورٹ کے مطابق تعلیم کے معاملے میں جھارکھنڈ سب سے نچلے مقام پر آگیا ہے جو ریاست کی ترقی کے دعوی کی پول کھول رہا ہے ۔
انہوں نے ریاست میں اس سال ہونے والے اسمبلی انتخابات میں بی جے پی کو روکنے کے لئے اپوزیشن کی تیاریوں کا ذکر کرتے ہوئے کہا کہ کانگریس کی قیادت بی جے پی کی عوام مخالف حکومت کواکھاڑ پھینکنے کے لئے مہاگٹھ بندھن میں شامل پارٹیوں کے ساتھ متحد ہے ۔ رامیشور نے کہا کہ کانگریس آنے والے اسمبلی انتخابات میں مہاگٹھ بندھن میں شامل پارٹیوں کے ساتھ مل کر پوری مضبوطی سے انتخابی میدان میں اترے گی۔ انہوں نے نشتوں کی تقسیم سے متعلق پوچھے گئے سوال کے جواب میں میں کہا کہ سبھی پارٹیوں کے ساتھ نشتوں کی تال میل پر غوروفکر کیا جارہا ہے ۔کانگریس اعلی کمان کے ساتھ سبھی پارٹیوں کے اہم لیڈروں کے ساتھ آپسی رضامندی اور غوروفکر کے بعد فیصلہ کیا گیا ہے ۔ سیٹوں کی تقسیم سے تعلق سے فی الحال کوئی اعدادوشمار فراہم کرنے سے انکار کرتے ہوئے کہا کہ وقت آنے پر اس کی تفصیلات فراہم کردی جائیں گی۔
