حیدرآباد۔ حیدرآباد میں تعمیر ہندوستان کے دیگر معروف شہروں کی بہ نسبت سستی ہے جیساکہ سب سے بڑے میٹروشہر ممبئی کے مقابلے میں تقریبا 14 فیصدکم ہے کیونکہ ممبئی تعمیر کے لحاظ سے ہندوستان کا سب سے مہنگا شہر ہے۔ممبئی میں تعمیر کافی مہنگی ہے کیونکہ زیادہ اخراجات بڑے پیمانے پر کلیدی تعمیراتی سامان جیسے اعلی سیمنٹ ، کمک اسٹیل ، ساختی اسٹیل اور پتھر کی قیمتوں سے وابستہ ہیں۔
جے ایل ایل کی جانب سے کی جانے والی تحقیق کے مطابق ممبئی میں ایک بلند و بالا عمارت میں لگژری رہائشی اپارٹمنٹ کے لئے اوسطا لاگت 5625 روپے فی مربع فٹ ہے جبکہ حیدرآباد میں اس طرح کے مکان کی قیمت صرف 4275 روپے فی مربع فٹ ہے ۔ بنگلورو، پونے اور نئی دہلی میں اخراجات ممبئی میں تعمیراتی لاگت سے اوسطا 10 فیصد کم لگایا گیا ہے۔
ممبئی میں ایک درمیانے درجے کی تجارتی عمارت کی تعمیر پر 3250 روپے فی مربع فٹ لاگت آئے گی ، اسی طرح کی ملکیت کی تعمیر کے لئے حیدرآباد میں 2860 روپے فی مربع فٹ لاگت آئے گی۔اسی طرح ممبئی میں اونچی اونچی تجارتی عمارت کی تعمیراتی لاگت فی مربع فٹ 3875روپے ہے ، جبکہ دہلی اور پونے میں یہ بالترتیب 3410 روپیہ اور3379روپے فی مربع فٹ ہے۔ حیدرآباد میں بلندوبالاتجارتی املاک کی تعمیر لاگت سب سے کم 2945 روپے فی مربع فٹ ہے۔
جے ایل ایل انڈیا کے پروجیکٹ اینڈ ڈویلپمنٹ سروسز کے ایم ڈی ایم وی ہریش نے کہا آگے بڑھتے ہوئے ہم جائدادغیرمنقولہ کی تعمیر اتی اخراجات پر نظر ڈالتے ہیں تو مختلف قیمتیں ملتی ہیں۔ آج بہت ساری فرمیں اخراجات پر قابو پانے کےلئے اپنی جائدادغیرمنقولہ انتخاب پرغورکررہی ہیں۔ حالانکہ تعمیراتی اخراجات پر کورونا کے اثرات پر ابھی بھی بحث و مباحثہ ہورہا ہے لیکن اس کا عمومی رجحان واضح ہے۔ تعمیراتی اخراجات بڑھ رہے ہیں۔ اخراجات کوسمجھنا اوران کا انتظام کرنا بجٹ کوقابو میں رکھنااورمعاشی اورمعیاری مصنوعات کی فراہمی کے لئے کلیدی حیثیت رکھتا ہے۔
