حیدرآباد: اس سال مانسون میں ریاست تلنگانہ میں غیرمعمولی بارش ہوئی ہے جو گزشتہ 33 برس پہلے ہونے والی بارش سے کہیں زیادہ بہتر ہے۔ سب سے اچھی بات یہ ہے کہ 122 دن کی مدت میں یعنی یکم جون سے 30 ستمبر تک ریاست تلنگانہ میں 82 دن کے زیادہ تر علاقوں میں بارش ہوئی ہے۔ گذشتہ 33 سال سے متعلق بارش کے ریکارڈ پر ایک نظر ڈالنے سے پتہ چلتا ہے کہ مانسون کے موسم میں صرف 2010 میں بارش 81 دن میں ہوئی تھی۔ 2006 میں ، اوسطا 14.1 ملی میٹر بارش ہوئی جبکہ رواں سیزن کے دوران 13.2 ملی میٹر بارش ہوئی ہے۔
ریاست میں اب تک1102 ملی میٹر بارش ہوچکی ہے ، جو 759.6 ملی میٹر معمول کی بارش سے 45 فیصد زیادہ ہے ، جو 1989 کے ریکارڈ کو توڑ کر گذشتہ سب سے زیادہ 832 ملی میٹر بارش کا ریکارڈ بناچکی ہے۔ موجودہ مانسون سیزن کے دوران کم از کم نو کم پریشر والے علاقے جو بنگال کی خلیج میں تشکیل پائے ہیں۔ ایک کم دباؤ والا علاقہ جون اور جولائی میں سمندر میں تشکیل پایا تھا۔ اسی طرح پانچ اگست کو اور دو ستمبر میں تشکیل پایا تھا ۔ آئی ایم ڈی کے سائنسدان شدید بارش کے نمونے کو ماحول کی صورتحال میں رونما ہونے والی تبدیلیوں کی وجہ قرار دیتے ہیں۔ عام طور پر آئی ایم ڈی مانسون کے آغاز سے قبل اپریل اور مئی میں انتباہات جاری کرتا ہے۔ اس سال انتباہات کی روشنی میں یہ حقائق سامنے آئے ہیں کہ ریاست میں آٹھ فیصد زیادہ یا کم بارش ہوگی لیکن ان پیش قیاسیوں کو غلط ثابت کرتے ہوئے تلنگانہ میں 45 فیصد زیادہ بارش ہوئی۔
ریاست میں اوسطا 45 فیصد زیادہ بارش ہوئی لیکن کچھ اضلاع میں 130 فیصد زیادہ بارش ریکارڈ کی گئی۔ ضلع ورنگل اربن میں 1,535.7 ملی میٹر بارش ریکارڈ کی گئی ، جو عام طور پر 668.2 ملی میٹر بارش سے 130 فیصد زیادہ ہے۔ واناپرتی میں اضافی بارش 126 فیصد ریکارڈ کی گئی جبکہ سدی پیٹ میں 93 فیصد زیادہ بارش ریکارڈ کی گئی۔ ضلع محبوب آباد میں 106 فیصد زیادہ بارش ہوئی۔ آئی ایم ڈی کے مطابق صرف نادرمواقع پر ہی 100 فیصد زیادہ بارش ہوتی ہے۔
