کیپ ٹاؤن ۔جنوبی افریقہ کے خلاف 3-0 کی شرمناک شکست سے دوچار ہونے کے بعد ہندوستانی ٹیم کے ہیڈ کوچ راہول ڈراویڈ نے کہا کہ یہ سیریز ٹیم کے لیے غفلت سے جگانے والی ہے لیکن 2023 کا ونڈے ورلڈ کپ اور ہندوستان مستقبل قریب میں بہتر ٹیم کی تیاری میں ابھی وقت ہے ۔ویراٹ کوہلی (65)، شکھر دھون (61)، اور دیپک چاہر (54) کی نصف سنچریاں بے سود رہی کیونکہ جنوبی افریقہ نے تیسرے اور آخری ونڈے میں سنسنی خیز اندارز کے بعد چار رنز سے فتح کے ساتھ کامیابی کی ہیٹ ٹرک مکمل کر لی۔ اتوار کو کیپ ٹاؤن میں ہندوستان کے خلاف آخری مقابلے میں کامیابی ساتھ سیریز میں 3-0 سے وائٹ واش کیا۔
ڈراویڈ نے مزید کہا کہ میرے خیال میں یہ ونڈے سیریز ہمارے لیے غفلت سے جگانے والی رہی۔ ہم نے زیادہ ونڈے نہیں کھیلے، یہ ونڈے ٹیم کے ساتھ میرا پہلا دور رہا ہے۔ یہاں تک کہ خود ٹیم نے بھی 2019 کے ورلڈ کپ کے بعد زیادہ ونڈے نہیں کھیلے ہیں۔ خوش قسمتی سے ہمارے پاس 2023 ورلڈ کپ سے پہلے تیاری کا وقت ہے۔ اب سے لے کر 2023 تک وائٹ بال فارمیٹ میں بہت ساری کرکٹ ہونے والی ہے ۔
انہوں نے مزید کہا یہ ہمارے لیے واقعی سوچنے اور سیکھنے اور بہتر ہوتے رہنے کا ایک اچھا موقع ہو گا۔ ہم بہتر ہوں گے اس میں کوئی شک نہیں ہے ۔دیپک چہر کی بیٹنگ کی صلاحیت سے متاثر ہو کرڈراویڈ نے کہا کہ آل راؤنڈر نے جو محدود مواقع حاصل ہوئے ہیں ان میں اپنا معیار دکھایا ہے اور ٹیم اسے پلیئنگ الیون میں مزید مسلسل مواقع دینا چاہے گی۔
میرا مطلب ہے کہ دیپک چہر نے سری لنکا میں اور یہاں ہمارے ساتھ جو مواقع حاصل کیے ہیں ان میں اچھی طرح سے دکھایا ہے، اس کے پاس بیٹنگ کی بہت اچھی صلاحیت ہے۔ ہم جانتے ہیں کہ وہ گیند کے ساتھ بھی کیا کر سکتا ہے۔ میں نے اسے دیکھا ہے۔ انڈیا اے میں بھی اور میں جانتا ہوں کہ وہ واقعی اچھی بیٹنگ کر سکتا ہے ۔
یہ اچھا ہے کہ ان جیسے لوگ اور شاردول ٹھاکر بھی جنہیں ہم نے پچھلے دو میچوں میں دیکھا ہے بیٹنگ میں بھی اپنا حصہ ادا کرتے ہیں۔ تو ظاہر ہے اس طرح کے زیادہ سے زیادہ کھلاڑی جو یقینی طورپرٹیم کو مستحکم کرسکتے ہیں۔ہیڈ کوچ نے یہ بھی اعتراف کیا کہ ٹیم کو ہاردک پانڈیا، رویندرا جدیجا اور اکسر پٹیل کی کمی محسوس ہوئی جوٹیم کو بہت ضروری آل راؤنڈ مواقع فراہم کرتے ہیں۔اگر آپ ایمانداری سے دیکھیں تو کچھ لوگ جو واقعی میں ہمیں ٹیم کو متوازن کرنے میں مدد کرتے ہیں اور 6، 7 اور 8 پر آل راؤنڈکھلاڑی فراہم کرتے ہیں ۔
