نئی دہلی ۔ کانگریس کے سابق صدر راہول گاندھی اور پرینکا گاندھی واڈرا نے کہا ہے کہ کورونا کی دوسری لہر میں آکسیجن اور انسانیت کی کمی کی وجہ سے جس طرح سے بڑی تعداد میں عوام کی موت ہوئی ہے وہ ایک بڑا جرم ہے۔ اور اس کے لئے ذمہ داروں کے خلاف فوجداری کارروائی کی جانی چاہئے۔
راہول گاندھی نے ایک ٹویٹ کرتے ہوئے کہا بی جے پی حکومت میں آکسیجن اور انسانیت دونوں کی شدید قلت ہے۔ اس خوفناک جرم کے ذمہ داران کے خلاف فوری کارروائی ہونی چاہئے۔ دکھ کے اس ماحول میں مرنے والوں کے لواحقین سے میری ہمدردی۔پرینکا نے قبرستانوں و شمشان گھاٹوں اورکوویڈ سے ہونے والی اموات کے سرکاری اعداد و شمار کے مابین فرق پر سوال اٹھاتے ہوئے کہا کوویڈ کی وجہ سے ہوئیں اموات کے بارے میں حکومت کے اعداد و شمار اور شمشانوں۔ قبرستانوں کے اعداد و شمار میں اتنا فرق کیوں؟ مودی حکومت نے اعداد و شمارکو بیداری پھیلانے اور کوویڈ وائرس کے پھیلاو ¿ کو روکنے کا ذریعہ بنانے کی بجائے پروپیگنڈا کرنے کا ذریعہ کیوں بنادیا؟۔
ایک دیگر ٹویٹ میں انہوں نے اپنی ذمہ دار کون مہم کے تحت حکومت کے متضاد بیانات کا حوالہ دیا۔وزیر اعظم میں نے آکسیجن کی کمی نہیں ہونے دی۔چیف منسٹر: آکسیجن کی کوئی کمی نہیں۔ قلت کی افواہیں پھیلانے والوں کی جائداد ضبط ہو گی۔وزیرمریضوں کو ضرورت کے مطابق آکسیجن دیں۔ زیادہ آکسیجن نہ دیں۔آگرہ ہسپتال: آکسیجن ختم تھی۔ 22 مریضوں کی آکسیجن بند کرکے موکڈرل کی۔ ذمہ دارکون؟ یادرہے کہ اس وقت ہندوستان میں کورونا کی دوسری لہر کی وجہ سے حالات انتہائی بدترہونے کے بعد عوام مسائل کے ایک سلسلہ سے پریشان ہے جس میں سب زیادہ سنگین صورت حال دواخانوں میں زیر علاج مریضوں کو آکسیجن کی عدم دستیابی ہے ۔
