حیدرآباد۔ مختلف سیاسی جماعتوں کے نامور اور آزاد امیدوار اپنی سانس روک کر اپنی قسمت کا انتظار کر رہے ہیں کیونکہ جی ایچ ایم سی انتخابات میں ووٹوں کی گنتی کا آغاز ہوچکا ہے اور مہدی پٹنم ڈویژن کا نتیجہ پہلے اعلان ہونے کا امکان ہے۔ اگرچہ تمام 30 گنتی مراکز پر صبح 8 بجے شروع ہونے والی ووٹوں کی گنتی کا وقت دوپہر میں آنے کی امید ہے اور مہدی پٹنم ڈویژن کا نتیجہ پہلے اعلان کیے جانے کا امکان ہے کیوں کہ یہاں ووٹوں کی گنتی صرف ایک مرحلے میں ہوجائے گی ۔ اس ڈویژن میں صرف 11،818 ووٹ ڈالے گئے ہیں ۔
باقی 149 ڈویژنوں میں سے 136 ڈویژنوں کو نتائج کے اعلان سے قبل گنتی کے دو دور کی ضرورت ہوگی۔ 13 ڈویژنوں میں گنتی کے تین دور ہوں گے۔ اپل ، کنچن باغ ، میلردیواپلی ، رحمت نگر ، اللہ پور ، عنبرپیٹ ، کونڈا پور ، اولڈ بوئن پلی ، سبھاش نگر ، گجولارام ، تارناکہ ، بنسیالپی ، اور سیتا پھل منڈی قابل ذکر ہیں ۔ باقاعدہ بیلٹ پیپرز کی گنتی ، 1،926 پوسٹل بیلٹوں کی گنتی کے بعد شروع ہوگی اور اس کو دو مراحل میں شروع کیا جائے گا۔ ابتدائی گنتی کے بعد تفصیلی گنتی ہوگی۔ تفصیلی گنتی مکمل ہونے کے بعد نتائج کا اعلان کیا جائے گا۔ یاد رہے کہ منگل کے دن 150 ڈویژنوں میں ہوئے راے دہی میں 74،12،601 اہل ووٹرز میں سے 34،50،331افراد نے اپنے حق رائے دہی سے استفادہ کیا اور ایک تخمینے کے مطابق 46.55 فیصد ووٹرز نے اپنے حق رائے دہی کا استعمال کیا۔ دریں اثنا ، ریاستی الیکشن کمیشن (ایس ای سی) اور جی ایچ ایم سی حکام نے کہا کہ سیکیورٹی اقدامات سمیت تمام انتظامات ، 30 مراکز پر گنتی کے آسانی سے انعقاد کے لئے کیے گئے ہیں۔ جبکہ 8،152 عملہ گنتی کے عمل میں شامل ہے ۔ ٹی ایس ای سی نے اس عمل کی نگرانی کے لئے 31 سینئر عہدیداروں کو کاؤنٹنگ آبزرور کے طور پر بھی مقرر کیا ہے۔
