دوحہ ۔ سعودی حکام کے زبردست ناقد مقتول صحافی جمال خشوگی¸ کے بچوں نے میڈیا رپورٹس میں ان دعؤں کی تردید کی جس میں کہا گیا کہ انہوں نے گزشتہ سال استنبول میں ملک کے قونصل خانے میں اپنے والد کے قتل کے بعد سعودی حکام کے ساتھ معاہدہ کی بابت مذاکرات کئے ہیں۔واشنگٹن پوسٹ جہاں خشوگی¸ نے کالم نگار کے طور پر کام کیا، نے حکام اور ان کے خاندان کے قریبی افراد کا حوالہ دیتے ہوئے لکھا تھا کہ صحافی کے چار بچوں کو سعودی عرب سے کم از کم 10 ہزار ڈالر ماہانہ ملتا ہے ۔ اس کے علاوہ ان کے والد کے مشتبہ قاتلوں پر مقدمے کے بعد معاوضے کے طور پر لاکھوں ڈالر مزید مل سکتے ہیں۔
صحافی کے سب سے بڑے بیٹے صلاح خشوگی¸ نے ٹویٹ کر کے کہا جمال خشوگی¸ ایک معروف صحافی اور محب وطن سعودی شہری تھے ۔ ان کی وراثت کو توڑنے اور تصادم پیدا کرنے کی حالیہ کوشش المناک اور غیر اخلاقی ہیں، فی الحال معاملہ میں سماعت ہو رہی ہے اور اس پرکوئی سمجھوتہ نہیں ہوا تھا یا مذاکرات ہوئے۔
بیٹوں کی طرف سے یہ بھی انتباہ دیا کیا گیا کہ خشوگی¸ کے بچوں کی جانب سے بات کرنے کے لئے کسی کو بھی اختیار نہیں دیا گیا، سوائے اپنے اور وکیل کے کسی کو بات کرنے کا اختیار نہیں ہے ۔ بیان میں کہا گیا مقدمہ کے بارے میں جاننے کی بے چینی کاکیا ہوا، اسے ہم سمجھ سکتے ہیں، قانونی قبولیت کے مطابق ہم واقعات کا اشتراک کریں گے ۔خشوگی¸ کے قتل کے معاملہ میں فی الحال جملہ 11 افراد پر سعودی عرب میں مقدمہ چلایا جا رہا ہے ۔ استغاثہ پانچ ملزمان کے لئے موت کی سزا کا مطالبہ کر رہا ہے ۔
