دبئی میں چین کا پہلا سرکاری اسکول

دبئی: دبئی محکمہ تعلیم نے کہا ہے کہ چین آئندہ تعلیمی سال کے آغازدبئی میں اپنا پہلا سرکاری اسکول کھولے گا۔ یہ چین کے باہر پہلا سرکاری اسکول ہوگا۔ اس میں 2 ہزار طلبہ کی گنجائش ہوگی۔ اسکول کا افتتاح ستمبر میں ہوگا۔الامارات الیوم کے مطابق چینی اسکول کی عمارت مردف کے علاقے میں تعمیر کی گئی ہے۔ یہاں چینی نصاب پڑھایا جائے گا۔ اسکول کے قیام کا بنیادی مقصد امارات میں چینی کمیونٹی کو تعلیمی سہولت فراہم کرنا ہے۔

نصاب میں چین کی سرکاری زبان، سائنس، ریاضی، ٹیکنالوجی انجنیئرنگ، اخلاقیات، اسپورٹس اور فنون لطیفہ وغیرہ شامل ہوں گے۔علاوہ ازیں چین کے سرکاری اسکول میں دوسری زبان عربی ہوگی جبکہ اسلامیات اور سماجی مطالعات کا مضمون بھی شامل ہوگا۔