دبئی: کولکتہ نائٹ رائیڈرز کے سابق کپتان دنیش کارتک آئی پی ایل میں سب سے زیادہ کیچ لینے والے وکٹ کیپر بن گئے ہیں۔ کولکتہ نے آئی پی ایل 2020 کے54 ویں میچ میں راجستھان رائلزکو60 رنز سے شکست دی۔اس میچ میں جیسے ہی راہول تیوتیا ورون چکرورتی کے ہاتھوں کیچ ہوئے دنیش کارتک نے مہندر سنگھ دھونی کو پیچھے چھوڑتے ہوئے یہ ریکارڈ بنادیا ۔ دھونی کے پاس آئی پی ایل میں109 کیچ کا ریکارڈ تھا۔ اس فہرست میں پارتھیو پٹیل تیسرے نمبر پر ہیں۔ پارتھیو آئی پی ایل میں اب تک 66 کیچ لے چکے ہیں۔
اس سے قبل راجستھان رائلز کے خلاف دنیش کارتک کا صرف ایک کیچ میچ کا اہم موڑ بن گیا۔ دراصل راجستھان رائلز کو بین اسٹوکس نے زبردست شروعات دی۔ جب ایسا لگ رہا تھا کہ اسٹوکس کے کے آر کے لئے خطرہ ثابت ہوسکتے ہیں ، تب کارتک نے پیٹ کمنس کی گیند سے بائیں طرف چھلانگ لگا کر اسٹوکس کا عمدہ کیچ لیا۔دراصل گیند اسٹوکس کے بیٹ کے بیرونی کنارے کے ساتھ وکٹ کے پیچھے جارہی تھی تب کارتک نے زبردست چھلانگ لگا کر کیچ پکڑا۔ یہ یقینی طور پر میچ کا اہم موڑ تھا۔
اس کے بعد کارتک نے میچ میں مزید دوکیچ لئے ۔ سنجو سیمسن اور ریان پراگ بھی وکٹ کے پیچھے کیچ آؤٹ ہوئے ۔ اس کے بعد کارتک جیسے ہی ورون چکرورتی کی گیند پر چوتھا کیچ لیا انہوں نے آئی پی ایل کی تاریخ میں سب سے زیادہ کیچ لینے والے وکٹ کیپر کا اعزاز حاصل کرلیا ۔
