نئی دہلی: چینائی سوپرکنگز کے کپتان مہندر سنگھ دھونی کی آئی پی ایل13 میں کارکردگی مایوس کن ہے اور وہ سوشل میڈیا پر تنقید کا نشانہ بن رہے ہیں لیکن ہندوستان کا پہلا آن لائن اسپورٹس ریڈیو چینل اسپورٹس فلیش آن لائن سروے کے ذریعے دھونی کو ٹی20 کا کنگ’قرار دیا گیا ہے۔ یہ چینل کھیلوں کے مضامین اور24/7 چیٹ کمنٹری نشرکرنے کے لئے مشہور ہے ۔ اسپورٹس فلیش کے سروے میں مختلف سوشل میڈیا پلیٹ فارمز میں12 لاکھ افراد کا اندراج کیا گیا ہے۔ دنیا بھر سے مختلف ٹیموں کے جملہ128 کرکٹرز کا انتخاب کیا گیا اور مختلف مراحل میں127 دلچسپ میچ شامل کئے گئے ۔ ماہرین اور اسپورٹس فلیش کمنٹریوں کے ایک پینل نے ان کی ماضی کی کارکردگی اور ان کی موجودہ آئی پی ایل کی بنیاد پر کرکٹرز کا انتخاب کیا۔ تمام 127 میچوں کے لئے ووٹنگ اسپورٹس فلیش کے ٹویٹر ، فیس بک ، انسٹاگرام اور لنکڈ ان کے سوشل میڈیا ہینڈلز کے ذریعے کی گئی تھی۔
یہ سروے کرکٹ لیگ جیسے مختلف مراحل پرکیا گیا تھا جو پچھلے32 دنوں سے رواں دواں تھا۔ دھونی اور یوراج سنگھ سیمی فائنل میں آمنے سامنے تھے جبکہ موجودہ ہندوستانی کپتان وراٹ کوہلی ان کے نائب کپتان روہت شرما کے ساتھ نبرد آزما تھے ۔ فائنل دھونی اور کوہلی کے مابین تھا۔ دیکھنے والوں نے دھونی کو ٹی20 کا کنگ کے لقب سے نوازا۔اس سروے کے بارے میں اسپورٹس فلیش کے بانی رمن رہیجا نے کہا کہ اس کے نتائج سے ظاہر ہوتا ہے کہ بین الاقوامی کرکٹ سے سبکدوشی کے اعلان کے بعد بھی دھونی کو شائقین کرکٹ کا بادشاہ’مانتے ہیں اور ان کا کھیل ملک کے لئے بہت اہم ہے ۔ وہ واقعتا کرکٹ کا ایک لیجنڈ ہیں۔ یہ سروے اس مشہور شخصیت کے ساتھ کرکٹ سے محبت کرنے والوں کی محبت جاننے کے لئے کیا گیا تھا۔ دریں اثنا 32 دن میں چار ملین آراءموصول ہوگئیں۔ یہ بھی اس بات کا ثبوت ہے کہ ہندوستان میں آج بھی کرکٹ سب سے زیادہ پسندیدہ کھیل ہے ۔رہیجا نے کہا کہ ہم روزانہ کی بنیاد پر شائقین سے رابطے میں رہتے ہیں اور ماہانہ بنیادوں پر اسپورٹس فلیش کے آن لائن ریڈیو کے 10 ملین سننے والوں میں شامل ہیں۔
