شارجہ: دہلی کیپٹلس اور کولکتہ نائٹ رائیڈرس (کے کے آر)کے درمیان شارجہ کے چھوٹے میدان میں ہفتہ کو آئی پی ایل میں سخت مقابلے کی امید ہے ۔ شارجہ کا میدان دبئی اور ابوظہبی کے مقابلے میں باؤنڈری کے لحاظ سے چھوٹا ہے ، جہاں اب تک بڑے اسکور والے میچ ہوئے ہیں اور دہلی ۔ کولکتہ کے میچ میں بھی بڑے اسکور کی توقع ہے ۔ دہلی کی ٹیم تین میچوں میں دو فتوحات اور ایک شکست کے ساتھ دوسرے نمبر پر جبکہ کولکتہ کی ٹیم تین میچوں میں دو فتوحات اور ایک شکست کے ساتھ تیسرے نمبر پر ہے۔
دہلی کو اپنے گزشتہ میچ میں سن رائزرس حیدرآباد سے 15 رنزکی شکست کا سامنا کرنا پڑا تھا جبکہ کولکتہ نے راجستھان کو37 رنز سے شکست دے کر اپنی پہلی کامیابی درج کی تھی۔شارجہ میں اب تک چار اننگز میں200 سے زیادہ رنز بن چکے ہیں اور توقع ہے کہ دہلی اورکولکتہ کے مقابلے میں بھی بڑا سکور بنے گا۔ اپنے پچھلے مقابلے میں حیدرآباد کے162 رنزکے مقابلے دہلی147 رنز ہی بنا سکی تھی اور شارجہ میں اسکے پاس بیٹنگ میں اصلاح کرنے کا موقع رہے گا۔
کولکتہ نے راجستھان پر شاندار جیت 174 رنز بنائے تھے اورشارجہ میں اس کے بیٹسمینوں کے پاس بڑا اسکور بنانے اور کامیابی حاصل کرنے کا موقع رہے گا ۔ یہ دیکھنا دلچسپ ہوگا کہ شارجہ میں پچھلے میچوں کی طرح اس بار بھی 200 سے زیادہ رنز بن سکتے ہیں یا نہیں۔
