نئی دہلی۔ بھارتیہ جنتا پارٹی (بی جے پی) میں شامل ہونے والے جیوتی رادتیہ سندھیا نے وزیر دفاع راج ناتھ سنگھ اور مرکزی وزیر داخلہ امت شاہ سے ملاقات کی۔ سندھیا نے 10 مارچ کو کانگریس سے استعفی دے دیا تھا اور چہارشنبہکو وہ بی جے پی میں شامل ہوئے تھے ۔ بی جے پی نے سندھیا کو مدھیہ پردیش سے راجیہ سبھا سیٹ کے لئے امیدوار بھی بنایا ہے ۔
پہلے سندھیا وزیر دفاع سے ملاقات کرنے گئے ۔ سندھیا کی ملاقات کے بعد سنگھ نے ٹویٹ کیا جیوتی رادتیہ سندھیا سے ملاقات ہوئی۔ میں نے ان کو بی جے پی میں شامل ہونے پر خوش آمدید کہا۔سندھیا کے بی جے پی میں آنے سے پارٹی اور مضبوط ہوگی۔ ان کے تمام کوششوں کے لئے میں نے نیک خواہشات کا اظہار کیا ہے ۔
وزیر دفاع سے ملاقات کے بعد سندھیا نے وزیر داخلہ سے ملاقات کی۔ شاہ نے ٹوئٹ کرکے کہا کہ سندھیا نے آج ان سے ملاقات کی۔ انہوں نے لکھا میں اس بات پر مطمئن ہوں کہ بی جے پی میں ان کے آنے سے پارٹی مدھیہ پردیش میں اور مضبوط اور ریاست کی اور بہتر طریقے سے خدمت کرنے کے قابل ہو گی۔وہ شاید کل راجیہ سبھا کے لئے اپناکاغذات نامزدگی داخل کریں گے ۔
