کراچی: پاکستان کے سابق آل راؤنڈر اظہر محمود نے دلچسپ انکشاف کیا ہے کہ اور شاہد آفریدی نے 1996 میں سری لنکا کے خلاف ونڈے کرکٹ میں سب سے تیز سنچری سچن تندولکر کے بیٹ سے بنائی تھی ۔ انہوں نے37 گیندوں پر یہ سنچری مکمل کی تھی ۔اظہر محمود نے گریٹیسٹ ریویلری پوڈکاسٹ کو بتایا کہ آفریدی نے اپنے بیٹ سے نہیں بلکہ سچن تندولکر کے بیٹ سے سب سے تیز سنچری بنائی تھی ، جو وقار یونس نے انہیں دیا تھا۔
اصل میں سچن نے یونس کو نیا بیٹ بنوانے کے لئے اپنا پرانا بیٹ نمونے کے طور پر دیا تھا۔آفریدی کا ونڈے میں سب سے تیز سنچری کا ریکارڈ 18 سال تک برقرار رہا۔2014 میں نیوزی لینڈ کے آل راؤنڈرکوری اینڈرسن نے ویسٹ انڈیزکےخلاف36 گیندوں میں سنچری اسکورکرکے ریکارڈ توڑ دیا تھا۔محمود نے کہا کہ آفریدی کو ڈیبیو میچ میں نمبر6 پر بیٹنگ کرنے کے لئے رکھا گیا تھا لیکن انہیں موقع نہیں ملا۔ اس کے بعد سری لنکا کی جانب سے سنت جے سوریہ اور رومیش کلوتھرانا کی بیٹنگ دیکھ کر پاکستان کی ٹیم انتظامیہ نے آفریدی سے ٹاپ آرڈر میں بیٹنگ کا فیصلہ کیا۔ تب وسیم اکرم نے میرا اورآفریدی کا انتخاب کیا اور کہا کہ نیٹ پر لمبے شاٹس لگانے کی مشق کریں۔
آفریدی نے نیٹ پریکٹس کے دوران اسپنرز پرلمبے چھکے لگائے ۔سابق بولر محمود نے پوڈکاسٹ میں مزید انکشاف کیا کہ جب سری لنکا کے خلاف اگلے میچ میں پاکستان کی پہلی وکٹ 60 کے اسکور پرگری تو ٹیم مینجمنٹ نے آفریدی کو نمبر3 پر بیٹنگ کے لئے بھیجا۔ انہوں نے11 چھکوں اور6 چوکوں کی مدد سے صرف 37 گیندوں میں سنچری بنائی۔ اس اننگز کے بعد وہ ایک بیٹسمین کے طور پر پہچانے گئے ۔ ویسے انہیں ٹیم میں ایک بولرکے طور پر شامل کیا گیا تھا جو موقع ملنے پر لمبے شاٹ کھیلنے کی صلاحیت رکھتا ہو۔ اس وقت آفریدی نے40 گیندوں میں104 رن بنائے تھے ۔اس کے بعد آفریدی نے کبھی پیچھے مڑکر نہیں دیکھا اور بعد میں وہ ونڈے میں پاکستان کے سب سے بڑے کھلاڑی بن گئے ۔انہوں نے ہندوستان کے خلاف2011 کے ورلڈ کپ کے سیمی فائنل میں بھی کپتانی کی۔آفریدی نے پاکستان کے لئے398 ونڈے اور27 ٹسٹ کھیلے ۔ اس میں انہوں نے 8064 اور1716 رنز بنائے ۔ اس کے علاوہ انہوں نے99 ٹی20 میں150 کے اسٹرائک ریٹ سے1416 رنز بنائے۔ ان تینوں فارمیٹس میں11 سنچریاں شامل ہیں۔
