’’شاہراہِ مکہ پہل‘‘سے عازمینِ حج کو سہولت حاصل ہوگی : سعودی وزیر حج

سعودی عرب کے وزیر حج اور عمرہ محمد صالح بن طاہر نے ’’شاہراہِ مکہ پہل‘‘ میں شریک تمام عہدیداروں اور اداروں کی کاوشوں کی ستائش کیہے۔سعودی وزارت داخلہ کی مدد سے اس مرتبہ دوسرے سال اس اقدام پر عمل درآمد کیا جا رہا ہے۔صالح بن طاہرنے اتوار کو ایک بیان میں کہا ہے کہ مکہ روڈپہل کا مقصد ایک عازم حج کے اس کے آبائی وطن سے مکہ یا مدینہ منورہ تک سفر کو آسان بنانا ہے۔اس کاآغاز عازمِ حج کے آبائی وطن سے سعودی عرب میں داخلہ سے ہوگا۔اس ضمن میں سعودی عرب کے مختلف ادارے اپنا اپنا کردارادا کررہے ہیں۔سعودی وزیر کا کہنا تھا کہ اس اقدام کا مقصد عازمین حج کو زیادہ سے زیادہ سہولتیں بہم پہنچانا ہے۔انھوں نے کہا کہ سعودی وزیر داخلہ ، خارجہ امور اور صحت کی وزارتوں ، جنرل اتھارٹی برائے شہری ہوا بازی اور کسٹمز اتھارٹی سمیت مختلف متعلقہ اداروں کے کردار کو استحسان کی نظر سے دیکھا جاتا ہے۔ان کا کہنا تھا کہ سعودی مملکت حج اور عمرے کی ادائی کے عمل کو آسان بنانے کے لیے اپنی ہر ممکن سعی کررہی ہے۔ وہ اس مقصد کے حصول کے لیے ضروری اقدامات وضع کررہی ہے اور ان پر عمل درآمد کررہی ہے۔