دبئی: خلیجی اور عرب ممالک میں کورونا وائرس حفاظتی اقدامات کے باوجود پھیلتا جارہا ہے سینکڑوں افراد ہر روز اس کا شکار بن رہے ہیں۔تفصیلات کے مطابق خلیجی ممالک میں کورونا وائرس کے 3930 مصدقہ معاملات رپورٹ ہوئے جس کے بعد متاثرین کی تعداد 78774 ہوگئی۔متاثرین میں سے 17179 صحت یاب ہوچکے ہیں جبکہ 325 کی حالت نازک ہے.بحران کے آغاز سے لیکر اب تک خلیجی ممالک میں مرنے والوں کی تعداد 441 تک پہنچ گئی۔
متحدہ عرب امارات میں کورونا کے 546 نئے معاملات ریکارڈ کیے گئے اور جملہ تعداد 15378 ہوگئی۔امارات میں 3359 مریض صحت یاب ہوچکے ہیں جبکہ اموات کی تعداد 157 ہے۔کویتی وزارت صحت کے مطابق 187کورونا کے مریض صحت یاب ہوگئے جس سے شفا یاب افراد کی تعداد 2219 ہوگئی ہے۔قطر کی وزارت صحت نے کہا ہے کہ 830 نئے مریض ریکارڈ پر آئے جس سے مجموعی تعداد 17972ہوگئی ہے۔
عراق میں گزشتہ چوبیس گھنٹوں کے دوران 49 کورونا کے نئے مریض سامنے آئے ہیں۔اردن میں کورونا کے دو نئے مریض رپورٹ ہوئے ہیں مجموعی تعداد 473 ہوگئی۔مراکش کی وزارت صحت نے کہاہے کہ اس کے یہاں مزید 163 افراد وائرس کا شکار ہوگئے ہیں جس سے مجموعی تعداد 5382 ہوگئی ہے۔اسکائی نیوز کے مطابق مصر میں 387 نئے معاملات درج ہوئے اور مزید17 اموات ہوئیں۔الجزائر کی وزارت صحت کے مطابق 159 نئے معاملات رپورٹ ہوئے جبکہ 6 ہلاکتیں ریکارڈ کی گئیں۔
