حیدرآباد۔ ہندوستان بھر کے عوام اس امید میں ہے کہ 14 اپریل کو جب 21 دنوں کا لاک ڈاؤن ختم ہوجائے گا تو زندگی ایک دم سے معمول پر آجائے گی اور مصروفیات زندگی دوبارہ اسی رفتار سے دوڑنے لگیں گی جیسا کہ وبائی مرض کورونا سے پہلے دوڑتی تھی لیکن اگر 14 اپریل تک حالات مکمل بہتر بھی ہوجائیں تو سب کچھ ایک ساتھ شروع ہونے کا امکانات نہیں ہیں جیسا کہ عہدیداروں نے کہا ہے کہ ممکن ہے کہ حکومت 14 اپریل کی آدھی رات کو 21 روزہ لاک ڈاؤن کو ختم کرنے کے بعد ہندوستان میں گھریلو اور بین الاقوامی پروازوں کے عمل کوبتدریج آگے بڑھنے کی اجازت دے سکتی ہے۔
ہوا بازی کے شعبے کو کورونا وائرس وبائی مرض نے شدید متاثر کیا ہے۔ایردکن اس بحران کا تازہ ترین شکار بن گیا کیونکہ اس نے فلائٹ آپریشن غیر معینہ مدت کے لئے معطل کرنے کا اعلان کیا اورتمام ملازمین کوتنخواہ کے بغیررخصت پرجانے کی ہدایت دی ہے ۔ چونکہ ہندوستان میں یہ وائرس اب بھی پھیل رہا ہے ، ہم 14 اپریل کے بعد گھریلو اور بین الاقوامی پرواز کے کاموں کو مرحلہ وار انداز میں اجازت دینے کے بارے میں سوچ رہے ہیں۔ ایرلائن 14 اپریل کے بعد کسی بھی تاریخ کے لئے بکنگ لینے میں آزاد ہے۔تاہم اگر 14 اپریل کے بعد لاک ڈاؤن میں توسیع کی جاتی ہے تو ایئر لائنز کو اس مدت کے لئے فروخت ہونے والی ٹکٹوں کو منسوخ کرنا پڑے گا۔
