لندن۔ مغربی دنیا میں مسلمانوں کو دہشت گرد اور انسانیت کے لئے خطرے کے طور پر پیش کیا جاتا ہے لیکن متعدد مرتبہ ایسے واقعات رونما ہوتے ہیں جہاں مسلمان اپنی جان پر کھیل کر لوگوں کی زندگیاں بچاتے ہیں اور اب ایک ایسا ہی واقعہ رونما ہوا جہاں ایک مسلمان نے آگ میں گھس کر ننھے بچے کی جان بچائی ہے۔
تفصیلات کے مطابق برطانیہ میں سامان کی ترسیل کرنے والا شہری گھر میں آگ لگنے کے بعد ننھے بچے کو بچا کر ہیرو بن گیا۔ برطانوی خبر رساں ادارے ڈیلی میل کے مطابق سامان ترسیل کرنے والے شہری جس کی عمر 26 سال اور نام ہابیل خان ہے نے 7 ماہ کے شیر خوار بچے کو بچا کر اعلیٰ مثال قائم کر دی۔
ہابیل خان اپنی ڈیوٹی کی فرائض انجام دہی کے دوران گھروں تک سامان پہنچا رہا تھا اسی دوران اس نے دیکھا کہ ایک گھر میں آگ لگی ہوئی ہے اورگھر سے دھواں ا ±ٹھ رہا ہے۔ جس گھر میں آگ لگی تھی اس گھر کی خاتون اپنے دو بچوں کیساتھ اونچی آواز میں صدائیں لگا رہی تھی کہ میرا بچہ گھر میں ہے کوئی اس کو بچائے۔ ہابیل خان اسی وقت نے دوڑ لگائی اور خاتون کیساتھ گھر میں داخل ہوگیا اور شیر خوار بچے کو بچا کر اس کی ماں کے حوالے کر دیا۔
ڈیلی میل کے مطابق بچے کو اس کی ماں کے حوالے کرنے کے بعد 26 سالہ ہابیل خان فائر فائٹرز اور پیرا میڈیکس عملہ سمیت دیگر افراد کے آنے تک وہاں رکا رہا۔ اس کے بعد سامان ترسیل کرنے والے نوجوان نے اپنا کام نمٹایا۔برطانوی خبر رساں ادارے سے بات کرتے ہوئے نوجوان نے کہا کہ اگر میں دیانتداری سے بتاو ¿ں تو میرے نزدیک یہ کوئی ہیروانہ والا کام نہیں تھا، میں اللہ کا شکر ادا کرنا چاہتا ہوں بچے سمیت سب ٹھیک ہیں اور خاتون دیگر افراد کے ساتھ اپنے گھر چلی گئی۔ اس جرآتمدانہ اقدام اٹھانے پر 26 سالہ ہابیل خان کو دیگر ساتھیوں نے کولیگ آف دی ایئر ایٹ دی بینگ اسدا ایوارڈز 2019ءسے نوازا گیا۔
