مصر میں خوفناک آتشزدگی ،متعدد گازیاں آگ کی نذر

قاہرہ: مصر کے علاقے  قاہرہ اسماعیلیہ صحرا روڈ پرالعاشر بن رمضان شہر کی پارکنگ میں تیل پائپ لائن میں خوفناک آگ بھڑک اٹھی۔ دھویں کے بادل مصری دارالحکومت پر چھا گئے۔ ویب سائٹ کے مطابق فائر بریگیڈ کی بیس گاڑیاںموقع پر پہنچیں اور آگ پر قابو پانے کی کوشش کی۔

مصری وزارت پٹرولیم نے کہا ہے کہ آگ قابو میں ہے۔جس پائپ لائن میں آگ لگی وہ مبینہ طور پر کیمیکل کے لیے استعمال میں ہے۔مصری میڈیا کے بموجب آتشزدگی کے باعث السلام شہر سے العبور شہر کے  روڈ پر گاڑیوں کی قطاریں لگ گئیں۔سوشل میڈیا پر آتشزدگی کی وڈیو وائرل ہیں جس میں دیکھا جا سکتا ہے کہ درجنوں گاڑیاں آک کی لپیٹ میں ہیں۔الیوم السابع کے مطابق  پٹرول پائپ کمپنی کے ایک عہدیدار نے کہا ہے کہ آگ اسماعیلیہ کے صحرائی روڈ پر تیل کی پائپ لائن میں رساؤ کی وجہ سے لگی ہے۔

آگ بجھانے کی کوشش جاری ہے۔ اسباب کا پتہ لگانے کے لیے تحقیقاتی ٹیم تشکیل دے دی گئی۔اسکائی نیوز کے مطابق آتشزدگی کی لپیٹ میں آجانے والی متعدد گاڑیوں کے ڈرائیور جھلس گئے۔

مصری وزیر پٹرولیم صورتحال کی سنگینی کے پیش نظر جائے وقوعہ پر پہنچ گئے۔مصری محکمہ ٹریفک نے عوام سے کہا ہے کہ وہ اژدہام کے پیش نظر اسماعیلیہ شاہراہ سے دور رہیں۔ محکمے نے متاثرہ علاقے جانے والے تمام راستے بند کردیے۔مصر کے طبی ذرائع نے کہا ہے کہ اب تک 8 افراد زخمی ہوچکے ہیں۔ متاثرین کی تعداد بڑھ سکتی ہے۔ممکن ہے کچھ لوگ آگ سے متاثر ہوکر ہلاک بھی ہوگئے ہوں۔آتشزدگی کے اسباب جاننے کے لیے تکنیکی کمیٹی تشکیل دی گئی ہے جو اپنی رپورٹ سیکیورٹی اداروں کو پیش کرے گی۔