حیدرآباد۔ ملک پیٹ کے 135 سالہ قدیم آسمان گڑھ محل کا ایک حصہ منہدم کردیا گیا۔ مسجد سے متصل محل کے جنوبی حصے کا ایک بڑا حصہ گزشتہ روز منہدم کردیا گیا ، مبینہ طور پر سینٹ جوزف اسکول کی ہدایت پر یہ اقدام کیا گیا ہے جو 2000 سے محل کے احاطے میں اپنا کیمپس چلا رہا ہے۔یہ محل جو 1885 میں حیدرآباد ریاست کے سابق وزیر اعظم سر آسمان جاہ نے تعمیر کروایا تھا اسے مناسبت سے اس محل کا آسمان گڑھ کے نام سے موسوم کیا گیا کیونکہ یہ ایک پہاڑی کی چوٹی پر بنایا گیا ہے۔ یہ چھوٹے قرون وسطی کے یورپی محل کی طرح تعمیر کیا گیا ہے ۔ سرآسمان جاہ نے نظام سرکا رکے لئے اس محفوظ کردیا تھا جو یہاں کثرت سے آتے تھے۔
اس محل کو بعد میں بریلا گروپ نے میوزیم کے طور پر استعمال کیا ، جس نے بعد میں اسے خالی کر دیا اورسینٹ جوزف اسکول کے ذریعہ اس کے حصول کا راستہ ہموار کیا۔ اسکول نے محل کے ساتھ ہی ایک چار منزلہ عمارت تعمیر کی تھی اور تب سے مصروفیات چل رہی ہیں۔اس سال کے شروع میں بھی اسی طرح کے انہدامی کارروائی محل میں کی گئی تھی جس پر مقامی لوگوں نے فوری طور پر اعتراض کیا تاہم دوسرے ہی دن اسکول انتظامیہ کی جانب سے عدالتی حکم ملنے کے بعد انہدام کو مقامی پولیس کی موجودگی میں دوبارہ عمل میں لایا ۔ عدالتی حکم کی فوری تصدیق نہیں ہوسکی۔
ورثہ کے ایک کارکن ڈاکٹر محمد شفیع اللہ نے دعوی کیا آسمان گڑھ محل حیدرآباد کے محفوظ ورثہ کے ڈھانچے میں شامل ہے جسے مسمار نہیں کیا جاسکتا یہاں تک کہ اگر یہ ملکیت کسی خانگی ادارے نے ہی کیوں نہ خریدی ہو۔حکومت ان کے ہاتھ میں ہے ، کوئی دوسرا کیا کرسکتا ہے؟ قانون اور انصاف گفتگو میں اچھا لگتا ہے ، لیکن ہم سب جانتے ہیں کہ اصل میں کیا ہوتا ہے۔ مقامی ایک مولوی نے تبصرہ کیا ، جنھیں سیکیورٹی گارڈ نے بتایا تھا کہ یہ محل خستہ حال ہوگیا ہے ، اسی وجہ سے وہ اسے مسمار کررہے ہیں۔ محل کے اندر عاشورخان ہوتا تھا۔ وہاں کارکنوں کے رہنے کے لئے کمرے تھے لیکن اب اس تاریخی عمارت کو مسمار کردیا گیا ہے ۔
