نئی دہلی۔ وزیر اعظم نریندر مودی نے پہلے مرحلے کے انتخابات کے قریب آنے کے ساتھ انتخابی مہم تیزکر دی ہے اور وہ اڑیسہ کے ضلع کالا ہانڈی کے بھوان, پٹنہ کے ساتھ ساتھ بہار میں جموئی اورگیا میں بھی ریلیوں سے خطاب کریں گے ۔ اڑیسہ میں لوک سبھا اور اسمبلی انتخابات ایک ساتھ ہونے والے ہیں۔ ایک جانب ریاست میں ایک طرف بیجو جنتا دل پانچویں مرتبہ حکومت بنانے کے ساتھ زیادہ سے زیادہ لوک سبھا نشستیں جیتنے کے لئے نئی نئی حکمت عملی بنا رہی ہے تو وہیں دوسری طرف بی جے پی بھی یہاں زیادہ سے زیادہ نشتیں جیتنے کی کوشش کر رہی ہے ۔
یہاں انتخابات 11 اپریل سے چار مراحل میں لوک سبھا کی21 نشستوں اور147 سیٹوں والی اسمبلی کے لئے ایک ساتھ رائے دہی ہوگی۔ پہلے مرحلہ کے تحت کالا ہانڈی، کوراپٹ، بھرام پور، اور نب رنگ پور لوک سبھا سیٹوں کےلے ووٹ ڈالے جائیں گے۔ مودی نے ویڈیو کانفرنسنگ کے ذریعہ چوکیدار مہم پروگرام میں کہا تھا کہ اس مرتبہ بی جے پی اڑیسہ میں لوک سبھا اور اسمبلی دونوں انتخابات میں بڑی طاقت بن کر ابھرے گی۔ اس مرتبہ اڑیسہ ملک کو حیرت میں ڈال دے گا، یہ دوسرا تری پورہ بن سکتا ہے۔
