جدہ۔ دو ہفتے قبل مکہ مکرمہ کی مسجد حرام میں لاپتہ ہونے والی حیدرآبادی خاتون کا ہنوز کوئی سراغ نہیں ملا ہے اور ان کی تلاش شوہر اور ساس کے ساتھ متحدہ عرب امارات ، سعودی عرب میں حیدرآبادی برادری بنگلورو کے علاوہ حیدرآباد میں بھی کررہی ہے ۔
مراد نگر سے تعلق رکھنے والی 28 سالہ سیدہ واجیہہ واجد ، حیدرآباد سے اکتوبر کے پہلے ہفتے میں اپنے شوہر اور ساس کے ساتھ بنگلورو سے عمرہ کے لئے مکہ روانہ ہوئی تھیں۔ وہ 9 اکتوبر کو شام 9 بجے کے قریب مسجد حرام کے صحن سے غائب ہوگئیں۔ ان کے شوہر سید سرور احمد اور ساس جبین اپنے دیگر رشتہ داروں کے ساتھ مکہ مکرمہ اور اس کے آس پاس ان کی تلاش کر رہے ہیں اور انہوں نے دواخانوں ، رہن خانوں ، تھانوں اور جیلوں میں تلاش کیا ہے۔ اہل خانہ نے ہندوستانی قونصل خانے کی مدد سے مکہ مکرمہ میں پولیس سے رابطہ کیا ہے ، لیکن ابھی تک اس کا کوئی سراغ نہیں مل سکا۔
اہل خانہ کو ابتدائی طور پر یہ خیال تھا کہ وہ حرم کے صحن میں کچھ سامان اٹھانے کی پاداش میں پولیس کی تحویل میں ہے ، تاہم یہ گمان بعد میں غلط ثابت ہوا۔ اہل خانہ کے مطابق لاپتہ خاتون کوئی مقامی فون نہیں لے کر جا رہی تھی اور اس کے پاس ہندوستانی موبائل نمبر تھا۔ انہوں نے مزید کہا ، یہ کچھ دیر تک جاری رہا اور پھر بند ہوگیا ہے۔
اس خاندان کے ویزے کی میعاد ختم ہونے کے قریب ہے ، اس کے شوہر اور ساس کو عمرہ ویزا ختم ہونے پر ایک ہفتہ میں ہی ملک چھوڑنا ہوگا۔ اس سے قبل یہ کنبہ گزشتہ ہفتے وطن واپس آنے والا تھا لیکن انہوں نے ویزا کی مدت کے پیرامیٹرز میں اپنے سفری منصوبے کو دوبارہ ترتیب دے کر اس میں اضافہ کیا ہے۔
سید سرور کا پاسپورٹ ان کی لاپتہ بیوی کے پاس ہے کیونکہ اس نے اسے اپنے بیگ میں رکھا تھا ، اور شوہر کو عارضی طور پر سفری دستاویزات کے لئے سعودی عرب چھوڑنے کے لئے درخواست دینا ہوگا۔ ہندوستانی قونصل خانہ مقامی حکام کے ساتھ معاملے کی پیروی کر رہا ہے اور سوشل میڈیا پر اس مقدمہ کی تازہ ترین تفصیلات جاری کررہا ہے ۔
ٹورآپریٹرسراج کے مطابق ایک اور گمشدگی کے معاملے میں ورنگل سے تعلق رکھنے والے معمر شہری 72 سالہ تفضل حسین ، جو تین دن سے لاپتہ تھے وہ حرم کے اندر پائے گئے ۔
