کانپور (اتر پردیش)۔ ایک ناقص آکسی میٹر نے خاندان کو یقین دلایا کہ ان کا مردہ بیٹا ابھی زندہ ہے۔ایک انکم ٹیکس عہدیدار کی لاش کے ساتھ تقریباً 18 ماہ تک رہنے والے خاندان نے کہا ہے کہ یہ بھی ان کی والدہ کی شدید توہم پرستی تھی جس نے انہیں میت کی آخری رسومات ادا کرنے سے روکا۔ایڈیشنل ڈپٹی کمشنر آف پولیس لکھن سنگھ یادو اور ان کی ٹیم جس نے واقعہ کی تحقیقات کی ہے، اس نے کانپور کے کمشنر آف پولیس بی پی جوگ دندکو رپورٹ سونپ دی ہے۔
رپورٹ میں کہا گیا کہ پورے خاندان نے ماں پر یقین کیا اور جسم کی دیکھ بھال شروع کردی۔ رپورٹ میں مزید کہا گیا ہے کہ وملیش کی ماں رام دلاری کے اس یقین کا ذریعہ تھا کہ ان کا بیٹا زندہ ہے وہ آکسی میٹر غلط تھا۔ رپورٹ میں کہا گیا کہ انہوں نے اسے پہلی انگلی پر مستقل طور پر لگا رکھا تھا لیکن یہ آلہ ناقص تھا اور اس نے ریڈنگ دی اور خاندان کو ان ریڈنگز پر یقین تھا۔ ٹیم نے ویملیش کے گھر کا معائنہ کیا، خاص طور پر اس کمرے کا جہاں اس کی لاش رکھی گئی تھی، اور ایک ایک کرکے گھر والوں سے بات کی۔ وملیش کی اہلیہ متالی ڈکشٹ نے ٹیم کو بتایا کہ وہ جانتی ہیں کہ ان کا انتقال ہوگیا ہے لیکن ہرکوئی کہنے لگا کہ وہ زندہ ہے اور اس لیے اس نے بھی ان پر یقین کیا۔
اس نے پولیس ٹیم کو بتایا کہ اس نے اس کی موت کے بارے میں اس کے دفتر کو مطلع کیا تھا لیکن گھر والوں نے ایک اور خط بھیجا جس میں اسے بیمار دکھایا گیا تھا۔ تاہم ٹیم نے کوئی مقدمہ درج نہیں کیا کہ خاندان نے گزشتہ 18 ماہ کے دوران متوفی کی تنخواہ سے فائدہ اٹھایا۔ پھر بھی ہم اس کو دیکھ رہے ہیں اور ان ڈاکٹروں کی تفصیلات اکٹھی کر رہے ہیں جن کے خاندان نے ان مہینوں میں مشورہ کیا تھا۔ ان سے بھی پوچھ گچھ کی جائے گی، ایڈیشنل ڈی سی پی نے کہا۔دریں اثنا، وملیش کے بھائی دنیش نے کہا کہ وہ چیف منسٹر کے پورٹل پر پولیس اور محکمہ صحت کے خلاف خاندان کو ہراساں کرنے کی شکایت درج کریں گے۔ پہلے، انہوں نے بغیر کسی تحقیقات کے لاش کو زبردستی جلایا اور اب ہمیں اس تحقیقات کے نام پر ہراساں کیا جا رہا ہے۔ میں باضابطہ طور پر سی ایم کے پورٹل پر شکایت درج کرونگا۔
