نئی دہلی۔ ہندوستان کی پہلی وزیر خارجہ بننے کی تاریخ رقم کرنے والیں نرملا سیتارمن نے دوسری خاتون وزیرخزانہ بننے کا اعزاز بھی حاصل کرلیا۔ان سے پہلے سابق وزیراعظم اندرا گاندھی نے تقریباً ایک سال تک وزارت خزانہ کا کام کاج سنبھالا تھا۔
وزیراعظم نریندرمودی نے راجیہ سبھا رکن سیتارمن کو اپنی کابینہ کی دوسری معیاد کے لئے وزیر خزانہ مقررکیا ہے ۔ایسا دوسری مرتبہ ہوا ہے جب کوئی خاتون وزارت خزانہ جیسے ذمہ دار وزارت کا کام کاج دیکھیں گی۔ مودی کی پچھلی حکومت میں ارون جیٹلی وزیر خزانہ تھے لیکن خراب صحت کی وجہ سے انہوں نے اس مرتبہ کابینہ میں شامل ہونے سے منع کردیا تھا۔
آزاد ہندوستان میں اس سے پہلے 36 وزیر خزانہ ہوئے ہیں اور سیتارمن 38 ویں وزیرخزانہ کے طورپر اپنی خدمات انجام دیں گی۔ وزیر خزانہ کے طورپر سب سے پہلے وزیراعظم جواہرلال نہرو ،سابق صدر پرنب مکرجی اور سابق وزیر اعظم مورارجی دیسائی اور سابق وزیراعظم منموہن سنگھ بھی اپنی خدمات انجام دے چکے ہیں۔
