نئی دہلی: مرکزی حکومت کی منظوری کے بعد،نیشنل کانفرنس کے رہنماؤں کی ایک ٹیم نے سری نگر میں پارٹی کے صدر فاروق عبد اللہ سے ملاقات کی۔فاروق عبد اللہ سے ملاقات کے بعد،نیشنل کانفرنس کے رہنما عمر عبد اللہ سے بھی ملاقات کریں گے۔
واضح ہو کہ نیشنل کانفرنس کے جموں رہنماؤں کے ایک وفد کو اپنی پارٹی کے صدر فاروق عبد اللہ اور نائب صدر عمر عبد اللہ سے ملاقات کی اجازت دی گئی ہے۔ان دونوں رہنماؤں کو تحویل میں رکھا گیا ہے۔نیشنل کانفرنس کے ترجمان مدن منٹو نے اپنے بیان میں کہا ”جموں و کشمیر حکومت نے نیشنل کانفرنس کے جموں رہنماؤں کے وفد کو پارٹی صدر فاروق عبد اللہ اور نائب صدر عمر عبد اللہ سے ملاقات کی اجازت دی ہے،جنہیں حراست میں رکھا گیا ہے“۔
بتادیں کہ دونوں سابق وزرائے اعلیٰ کو آرٹیکل 370کی منسوخی سے ایک دن قبل تحویل میں لیا گیا تھا۔کئی دوسرے ریاستی رہنماؤں کو بھی حراست میں لیا گیا۔جس میں پیپلز ڈیمو کریٹک پارٹی کی سربراہ محبوبہ مفتی اور جموں کشمیر پیپلز کانفرنس کے چئیر مین سجاد لون شامل ہیں۔
