حیدرآباد ۔ جنوبی ہند سنیما کی دنیا میں کئی خبریں سرخیوں میں رہیں۔ سوپر اسٹار رام چرن اور جونیئر این ٹی آر کی فلم آر آر آر آخر کار عالمی باکس آفس پر 1000 کروڑ کا بمپرآمدنی حاصل کرنے میں کامیاب ہوگئی۔ یہاں سوپر اسٹار تھلاپتی وجے کی فلم بیسٹ کے متعلق کئی خبریں بھی سرخیوں میں ہیں اور خاص کر مسلم ممالک میں اس فلم پر اعتراض کیا جارہا ہے ۔ وہیں یش اسٹارر فلم کے جی ایف 2 کی خبروں کا بازار بہت گرم ہے ۔ فلم پہلے دن سینما گھروں میں بھاری رقم بٹورنے کے مراحل میں ہے۔
ساؤتھ سوپر اسٹار رام چرن اور جونیئر این ٹی آر کی حالیہ ریلیز فلم آرآرآرتھیٹروں میں بڑی کمائی کرنے میں کامیاب رہی ہے۔ ریلیز کے 16ویں دن یہ فلم 1000 کروڑ کلب میں داخل ہوگئی۔
اب یش اسٹارر فلم کے جی ایف کے سینما گھروں میں پہنچنے میں صرف چند دن باقی ہیں۔ اس کے ساتھ ہی فلم نے ایڈوانس بکنگ کے زبردست اعداد و شمار حاصل کیے ہیں۔ رپورٹس کے مطابق، یہ فلم ہندی باکس آفس پر صرف پہلے دن ہی تقریباً 35 کروڑ روپے کی بمپر اوپننگ کرنے والی ہے۔
ساؤتھ کے سوپر اسٹار تھلاپتی وجے کی فلم بیسٹ عرف را کا پہلا جائزہ سامنے آگیا ہے۔ اوورسیز سنسر بورڈ کے رکن عمیر سندھو نے یہ فلم سنسر روم میں دیکھی۔ جس کے بعد انہوں نے فلم کی تعریف کی اور اسے پورے 4 اسٹارز سے نوازا لیکن تھلاپتی وجے اسٹارر فلم بیسٹ کو لے کر اسلامی ممالک میں غصہ دیکھا جارہا ہے۔ کویت میں اس فلم پر پہلے ہی پابندی لگ چکی ہے۔ اس کے بعد اب قطر میں بھی فلم پر پابندی لگا دی گئی ہے۔ فلم میں دکھائی جانے والی اسلامی دہشت گردی کی وجہ سے ان ممالک میں اس پر پابندی لگا دی گئی ہے۔
رام نومی کے دن ٹالی ووڈ کے سوپر اسٹار مہیش بابو کی بیٹی ستارہ گھٹامنینی نے سوشل میڈیا پر ایک ویڈیو شیئر کیا۔ جو انٹرنیٹ کی دنیا میں تیزی سے وائرل ہونے لگا۔ اس ویڈیو میں فلم اسٹار کی بیٹی کچھی پوڈی ڈانس کرتی نظر آئیں۔
