دبئی۔ حالیہ فارم اورآئی سی سی ٹی 20 درجہ بندی کی بنیاد پر جنوبی افریقہ اورآسٹریلیا میں کسی ایک کو پسندیدہ قرار نہیں دیا جاسکتا لیکن جنوبی افریقہ نے ٹورنمنٹ میں آنے سے قبل اپنے آخری 10 میچوں میں سے نو جیتے ہیں اور افغانستان اور پاکستان کے خلاف اپنے دو وارم اپ میچوں میں متاثر کن مظاہرہ کیا ہے۔ دوسری طرف آسٹریلیا نے اپنے آخری 10 ٹی 20 میں سے آٹھ اور آخری چار سیریز ہاری ہیں۔
انہوں نے اپنے پہلے وارم اپ میچ میں بمشکل نیوزی لینڈ کو شکست دی اور دوسرے میں ہندوستان نے اسے شکست دی، لیکن آسٹریلیا کا جنوبی افریقہ کے خلاف حالیہ ریکارڈ اچھا ہے جس نے 2020 میں جنوبی افریقہ میں اپنی آخری سیریز جیتی۔ آسٹریلیا نے بڑی حد تک ایرون فنچ اور ڈیوڈ وارنر اور ان کی طاقتور بولنگ یونٹ نے اپنی اوپننگ جوڑی کے غلبے کو مضبوط بنایا۔ لیکن فنچ اور وارنر دونوں ٹورنمنٹ میں داخل ہونے سے قبل رنز کے لیے جدوجہد کررہے ہیں۔
موجودہ نمبرایک ٹی 20 بولر تبریز شمسی آسٹریلیا کو اسپن کے ذریعے مشکل حالات دیںگے جبکہ آسٹریلیا کا فاسٹ بولنگ جنوبی افریقہ کے ٹاپ آرڈرکو چیلنج کرنے کے لیے تیار ہوگی۔ یہ دونوں ٹیمیں 50 اوورز ورلڈ کپ میں بہت اچھی تاریخ رکھتی ہیں لیکن 2012 میں ٹی 20 کرکٹ میں صرف ایک مرتبہ ان کا مقابلہ ہوا جس میں آسٹریلیا نے آرام سے کامیابی حاصل کی ۔2020 کے آغاز کے بعد سے تبریز شمسی نے ٹی 20 کرکٹ میں تمام اسپنرز میں سب سے زیادہ 37 وکٹیں حاصل کیں۔ ایشٹن اگر نے 25 اورایڈم زمپا نے 24 وکٹیں حاصل کیں۔
گلین میکس ویل آسٹریلیا کے لئے ورلڈکپ میں اہم ہوں گے کیونکہ وہ آئی پی ایل میں شاندار فام میں رہے۔کاگیسو ربادا اور میکسویل کے درمیان بہترین ٹکراومتوقع ہے۔ ابوظہبی کی وکٹ دن کے دوران روشنی میں مختلف چیلنج پیش کرتی ہے۔ درجہ حرارت 33 ڈگری سینٹی گریڈ کی پیش قیاسی کی گئی ہے ۔ ورلڈکپ میں ٹیمیں اب تک نشانے کامیاب تعاقب کر رہی ہیں ، چار میں سے تین جیتنے والی ٹیم دوسری اننگزمیںبیٹنگ کی ہے لیکن ابوظہبی میں 2021 میں تمام ٹی 20 میں زیادہ ٹیمیں پہلے بیٹنگ کرتے ہوئے کامیاب ہوئی ہیں۔ اس سال وکٹ اسپنرزکے مقابلے میں فاسٹ بولروں کےلئے سازگار رہی ہے۔
